Texts
Return to list | edit | delete | Create a new | history | Statistics | ? Help
Čoma vepsän ma. Kalag'
Čoma vepsän ma. Kalag'
Veps
New written Veps
Kalag’
om endevanh Karjalan Änižjärven rajonan külä , Kalagen elotahon administativine keskuz .Külä sijadase Änižen järven randal , Kalag’-jogen sus , 90 kilometrad Petroskoišpäi .Ezmäižed johtutesed küläs om tehtud 1496 vodel .
Küläs oli Varlaam Hutinskijan pühäkodi , mitte oli saudud vodel 1693.Nügüd’ sidä ei ole .Läz Kalaged sadas gabbro-diabaz-kived .Enččes aigaspäi Kalagen eläjad oma mahtokahad kalanikad .
Kalages radab medpunkt , om keskškol , kul’turan pert’ , seičeme sömlaukad , sobalauk , sömsija , počt .Mugažo küläs radab kivensaskelmižen kompanii .
Kalages om letud Anna Lisicinan muštpacaz .Hän om Sovetskijan Sojuzan geroi , kudamb sündui neche külähä .Mugažo om Kuz’ma Kočerinan da Pavel Man’kinan kaumad .Nene oma partizanad , kudambad oli amptud vihanikoil vodel 1942.
Kalag’ om čoma .Kut , toižil-ki Änižjärven vepsläižil külil , sil om čudokaz londuz .Sen eläjad saba kalad Änižes , lebaidasoiš randal , kävuba marjoihe da senihe läheli olijaha mecha .Kalages kirjutadas runoid da pajataba pajoid ičeze armhas küläs .Kalagelaižed navediba tehta külän fotokuvid .Melentartuz’ neche čomaha tahoze om tedomahtoižil-ki fotokuvadajil .
Čoma vepsän ma. Kalag'
Veps
New written Veps