Texts
Return to list | edit | delete | Create a new | history | Statistics | ? Help
Jegor Ruppijev. Kenbo eläy mečäs?
Jegor Ruppijev
Kenbo eläy mečäs?
Livvi
New written Livvic
Sagarvo
Sagarvo on aiga suuri kuniččoin pereheh kuului elätti .Se enin aigua viettäy vies .Sagarvon ižäčyn keskipaino on 8-10 kiluo da rungan piduhus sit on 48-90 sentii .Emäččy on 54-70 sentii pitky da painau 6-10 kiluo .Sagarvo eläy meččyjogilois , kudamis on äijy syömisty da kudamat talvekse ei kylmetä .Harvah konzu sagarvo eläy järves .Järvethäi talvel kylmetäh .Sagarvo suvaiččou jogiloi , kus on pyördekohtua da vien uutettuloi kluamurandoi .Niilöis se löydäy ičelleh hyviä eländy - da mečästyskohtua .
Sagarvon rungu pädöy parahite uidajes .Se on lievy , piduličču da järei .Lopus se kaidenou da elätil algavuu lačakko händy .Nämmien eričyksien hyvyös sagarvo voi ylen ruttoh uidua vies .Sagarvol sormien välis ollah välinahkazet .Net avvutetah elätile hyvin uidua .
Nahku sagarvol on tuuhei da sumbu .Nahkan pinnal ainos on razvua nahkurauhnoispäi , sendäh elätin turki nikonzu ei kastu .Mahan puoles elätin nahku on äijiä sagiembi , migu selläs da bokis .
Sagarvo liikkuu hämärin aigua da yöl .Sygyzyl da talvel , konzu yöt ollah pimiet , se eččiy syömisty päivälgi .
Elätti kebjieh liikkuu vies da muadu myöte .Vedeh čukeldunnuh sagarvo voi olla ilmattah viizi minuuttua .Enne kui tulla muale , se hätken kaččelehes da n’uustelehes .Muapala , kus sagarvo huogavuu da eččiy syömisty , on viijes viidessähtostu kilometrii pitky .
Enne kaikkie sagarvo syöy kalua .Talvel , konzu on vähä syömisty , se voi syvvä šlöpöidy , ruakkua , kaikenjyttymiä toukkua .Paiči kalua se suau vezihiirii , sorzii , kurmoloi da pienii jyrzijöi .
Kohtu sagarvol kestäy kaksi kuudu .Vasterodivunnuot sagarvon poigazet (niidy on 2-4) ollah sogiet .Silmät niilöil avavutah yheksän-kymmenen päivän mendyy .Emä on kiindynyh omih poigazih da kaikelleh akkiloiččou niidy .
Sagarvo on mečästyselätti da sidä pietäh hinnas čoman da lujan nahkan periä .Tänäpäi Karjalas sagarvon mečästys on kielletty .Elätin lugu on pieni , sendäh se pandih Karjalan Ruskieh kniigah .
Kenbo eläy mečäs?
Livvi
New written Livvic