Texts
Return to list | edit | delete | Create a new | history | Statistics | ? Help
Liza Makarova. 2018. voden Olimpiad
Liza Makarova
2018. voden Olimpiad
Veps
New written Veps
Necil
vodel Tal’vesižed Olimpiadvändoid tehtas Suven Korejan Phönčhan-lidnas 9.- 25.uhokud .Olimpiadaha ühtneb läz 2500 sportmest ühesaskümnespäi maspäi .
Nügüd’ Olimpiadas om vižtoštkümne tal’vsportan rodsugud .Niiden keskes oma čomaštargund , joksendštargund , mägisuksed , mägihüppind , lumilaud , biatlon , skeleton , bobslei , körling , jämäč .
Sen azjtegon päsija om Hvenge-park .Sigä vedetas Olimpiadan avaiduz - da lopceremonijad .Neche stadionaha voib mülüda 75000 mest .
Oficialižel Venämän Olimpiadan komitetan internet-saital om tetpas ühtnikoiden lugetiž , miččes om169 sportmest .
Tarbiž johtutada , miše Olimpiadvändoiden lahjansajiden da čempionoiden lugetišes oma sportmehed Karjalaspäi .Heid om 10 mest .
Ezmäine Olimpiadan čempion Karjalaspäi om F’odor Terentjev (1925-1963).Hän om sündunu 4.redukud 1925.vodel Karjalan Medvežjegorskan agjan Pogost-külähä .Hän om VII Talvižen Olimpiadan vägestai .F’odor Terentjevan muštpacaz om azotatud Padani-küläs , kuna minä joga kezan ajelen lebaidamhas da rižamaha minun heimolaižid .Minä olen korktad mel’t , miše , nacein , mindai i F’odor Terentjevad , kudamb oli Olimpiadvändon čempion , ühtenzoitaba edahaižed heimkosketused .
Tahtoin toivotada Venäman sportmehile ozad , vägid da äi kuldaižid medalid .
2018. voden Olimpiad
Veps
New written Veps