Texts
Return to list | edit | delete | Create a new | history | Statistics | ? Help
Mesikämmen käpperöin’i
Mesikämmen käpperöin’i
Karelian Proper
Panozero
Kontieta
muinen , a lukiettih n’iitä , jotta ei lehmie koškiis’ , šemmoista myö yheltä ukolta vanhalta tiijuššamma lapšena to : ”Šano sie meilä , kuin še on še hyvä luku ”, – meilä juohattau .”Ka šilloin muissin , ka nyt še em muissa :
Mesikämmen käpperöin’i ,
Šin’išukka šipperöin’i ,
Još piäš noštanet ,
Rautašauva rintahaš ,
Još šuuš avannet ,
Jumalan avuan
Poikkipuolin’i šuuhuš .
Piäššämpä pilpon’i pihalla ,
Hatašarvet huavikolla ,
Maijon antajat aholla ,
Ahovieret aukijat ,
Šuovieret šovilliset .
Miun on tyynet tyttöpiijat ,
Miun on kainot karjapiijat ,
Emännät epäpätöiset ,
Tämämpä Jeešukšen kešällä .
Ukov viän , Jumalav voiman ,
Tuaton taivahallisen Jeešukšen
Mäne sinne , kunne silma käšetäh ,
Pimiläh ja pohjolah .
Šiel on siula hirvi hirtetty ,
Jalopetra jakšettu .
Šiel on kivet kuattavana ,
Havot halattavana .
A muurahaiset siun n’i murkinat ,
Mečänvil’l’a kärämöin’i ,
Hal’l’i harmua parta ,
Vaimo valkija verin’i .
En kiellä kulennašta ,
Kiellän karjan’i košennašta ”.
Šanou : ”Siitä kontie lehmie ei koše enämpi kešällä , še vain lukekkua , kum meččäh lašetta ”.
Mesikämmen käpperöin’i
Karelian Proper
Panozero