Texts
Return to list | edit | delete | Create a new | history | Statistics | ? Help
Natalja Anhimova. Vepsän hor adivoiš Belorussias
Natalja Anhimova
Vepsän hor adivoiš Belorussias
Veps
New written Veps
Sulakun
26.-30.päivil Vepsän rahvahan hor oli Minskas , Belorussian pälidnas .Karjalaspäi tuli sur’ jouk , läz 30 mest .Kerazihe ühthe kaik Karjalan rahvahaližiden kul’turiden keskusen sebrad .
Mö ozutim ”Karjalan frontan runod ”-programman .Koncertan aigan mö pajatim pajoid , lugim runoid , kargeižim .Neciš ezitusespäi voi tedištada 1941.-1945.-voziden voinan aigas Karjalan mal .Vaise partizanoiden joukud oli 20, niiš oli 5000 partizanad , enamba 30 rahvahut .
Koume mest ”Pitarica ”-joukuspäi ozutadihe , kut voinan aigan kodiš varastadihe kirjeižen frontaspäi .Meles tämbei-ki om starin lapsiden polhe voinan aigan , miččed hiil old’he vändod da völ pajo ”Voinan lapsed ”, miččen pajat’ Valentina Moisejeva .
Meles om , konz mänob düged aig , kut voin , pajo da karg abutadaze eläda .Sikš neciš programmas oli äi pajoid da karguid .Čomin kargeiži ”Karjala ”-jouk , Vepsän rahvahan hor pajati äi pajod .
Belorussias mö andeim kaks’ koncertad : ezmeine mäni Minskas Moskvan pertiš , toine – Senica-lidnas läz Minskad kul’turkeskuses .Ezmeižen koncertan kundeltihe veteranad , toižen – openikad .Mel’t möto om se , mise mušt voinan aigas Belorussias eläb .
Nece matk däi meiden muštho .Ezmäks sanun , mise necil aigal sulakun lopus Belorussias om d’o lujas čoma , läm’ , londuz heraštub : nor’ vihand hein , vauktad da pakuižed änikod ihastoitaze sil’mäd , keväz’line päiväine lämbitab .Minsk om puhtaz da čoma lidn .Mel’he tuli belorussian kel’ da iče rahvaz .Lämin miid vasttihe , magukahašti söttihe .Meletan , kut minai , muga toižilki om taht möst tulda Minskaha .
Vepsän hor adivoiš Belorussias
Veps
New written Veps