Texts
Return to list | edit | delete | Create a new | history | Statistics | ? Help
Gul’a Polivanova. Möst sügüz’ školan pordhil...
Gul’a Polivanova
Möst sügüz’ školan pordhil...
Veps
New written Veps
Tuli
sügüz’ , zavodihe uz’ openduzvoz’ .Ezmäižel sügüzen päiväl ilokaz soit kucub lapsid školha .Tedopäiv om sur’ praznik kaikiden openikoiden , üläopenikoiden , heiden kazvatajiden i opendajiden täht .No enamba kaikid necil päiväl ihastuba ned lapsed , kudambad ezmäižen kerdan mäneba školha .Nece päiv om lujas tärged heiden täht i jäb muštho igäks .Nece om uz’ etap heiden elos – školvoded .Olgha nece voz’ kaikiden openikoiden täht linneb melentartuižen i satusekahan !
Pakuižed lehtuižed jaugoiden al ,
Sügüz’ kargaidab , punose mal .
Muhul vasttab kaikid meid škol .
Päiväine ruskotab , kuti marjaine bol .
Täl vodel sügüz’kun ezmäižel päiväl oli hüvä läm’ sä .Taivhal paštoi päiväine , a lapsil – suril da penil openikoil , sil’mäd hoštiba ihastusespäi .Kazvatajad da opendajad vastsiba kaikid lapsid lämil vaihil .Rusttad , pakuižed , sinižed änikod lapsiden käziš – kuti kirjavad lipkaižed ištuihe školan ezitanhale .
Ezmäine školan päiv om kaiken sur’ armaz pühä kaikiden külän eläjiden täht .Vaiše oma mugomad pened lapsed da heiden heimolaižed , kudambad varastaba necidä päiväd enamba kaikid – nene oma ezmäižen klassan openikad .
Täl vodel surhe školan kanzha tuli kuz’toštkümne last – vižtoštkümne openikad tuli Vidlaha da üks’ openik Kurbale .
Ühtendentoštkümnenden klassan openikoiden täht nece voz’ om lujas tärged .Voden lopus heile pidab sdaida ekzamenoid .Klass om pen’ – üks’ prihaine da seičeme neičukašt .No kaik hö opendasoiš hüvin , i mö meletam , miše hö hüvin lopiba školad .
Necil vodel školha tuli uz’ nor’ opendai , kudamb ei muga amu iče openzihe neciš školas – Al’ona Vladimirovna Dudova .Hän lopi Piterin universitetan i pördihe tagaze ičeze kodikülähä .
Praznikkogomusel lapsed lugiba runoid , pajatiba pajoid .Vanhembad openikad toivotiba hüvin opetas , sada uzid tedoid da mahtoid .Parahim ühtendentoštkümnenden klassan openik Tatjana Kuz’mina da ezmäižen klassan openik Dima Kuznecov proiduiba tilliženke školan iknoiden al i heled soitan än’ kucui kaikid lapsid da opendajid noiduden maha , kuti hüvähä sarnaha .
Tervhut , sur’t ozad da kaiked hüväd kaikile udes openduzvodes !
Möst sügüz’ školan pordhil...
Veps
New written Veps