Texts
Return to list | edit | delete | Create a new | history | Statistics | ? Help
Valentina Grekova. Puhtaz londuz – vahv tervhuz’
Valentina Grekova
Puhtaz londuz – vahv tervhuz’
Veps
New written Veps
Tämbei
ümbrišton varjoičuz om tärged problem i se om lujas aktualine .Pidab kaita londusen bohatust toižiden sugupol’viden täht i pidäda se puhthudes .
Vodespäi vodehe Kalages mäneb akcii ”Puhtaz rand ”.Neche akcijaha voiba ühtneda kaik külän eläjad .Se tuli jo hüväks tradicijaks Kalages .
Necil vodel školan opendajad , openikad da heiden vanhembad ühtniba ekologižehe akcijaha ”Puhtaz Änine ”, mitte tehtas Karjalas jo toižen kerdan .Ristitud keradasoiš Änižen randale , miše puhtastada sen reduspäi .
Čoma Änižen rand om hüvä sija , miše lebaitas lämäl kezal .Tänna tuleb lebaidamhas äi turistoid toižiš lidnoišpäi .No konz lopiše keza-aig , randale jäb äi jänduzkogoid .Jose om muga jüged kerata redud ümbri siš sijas , kus sinä lebaidatoi i otta sidä kerdale ?
Nadeimoiš , miše ristit , kudamb jätab redud jäl’ges ičtaze , kerdan azotase i johtutab , min täht hän om sündnu necile male i min täht sündutab lapsid .I siloi hän lendab plastikbutulkan vai tegeb homaičusen ristitule , kudamb taci sen male .
Spasib kaikile , ked ei olgoi üks’kaikuižed neche problemaha i tahtoiba kaita meiden mad puhthudes tulebile sugupol’vile .Tauguh ozuti , miše küläs eläba ristitud , kudambad navediba ičeze kodimad i sen londust .Kaikutte meišpäi tegi suren panendan meiden randan puhtastandaha .Rad toi meile kaikile hüväd mel’t .Necil vodel mö homaičim , miše jändusid randal om vähemba , mi toižil vozil .I se ihastoiti meid .
Puhtaz londuz – vahv tervhuz’
Veps
New written Veps