Texts
Return to list | edit | delete | Create a new | history | Statistics | ? Help
Gennadii Grebencov. Runod
Gennadii Grebencov
Runod
Veps
New written Veps
Minun
dedoi
Minun dedoi küläs eläb ,
Traktoroid hän hüvin tedab .
Kaiken aigan kädes rad :
Kündab pöudod , lendab mad .
Mašinal hän rahnob leibäd .
Jüvid pandud täuded seinäd .
Hüvä radnik minun dedoi ,
Kaikiš azjoiš mahtai , tedai .
Vauktad kärbhaižed
Homendesel Miša libui ,
Iknaha hän kacuhti :
Lumel kattud ma i penzhad .
Kenak mugošt varasti ?
Kärbhäd vauktad lendaba ,
Vilud säd ei varaikoi .
Mikš-se nene kärbhaižed
Nikut ei buzaigoi ?
Kuldaižed käded
Minun maman kittäs ,
Paginad ei tühjaižed ,
Rahvaz sanub : hänel
käded oma kuldaižed .
Minä en voi el’geta :
Kusak kuld-se käziš ?
Vaiše nägen – mamaine
Ani hotk om radoiš .
Kägi
Kus om pallišt pihkutoi ,
Eläb kägi pezatoi .
Möst jo kukkub : ku-ku !
Mecas kuleb joga pu .
Sanu , kägi-linduine ,
Pit’k-ik minun igäine ?
Kägi vastha kukkuti ,
Sada vot se toivoti .
Kaži
Läksi hirüt gul’gele ,
Murka-kažin iknale .
Tabaz’ kaži hiren ,
Söi i möstnä hillen’ .
Veri , lapad leviti ,
Ani sil’mäd umbišti .
– Hirüt , ala tule !
Kaži kaiken kuleb .
Runod
Veps
New written Veps