Texts

Return to list | edit | delete | history | ? Help

Runod

Corpus: New-writing language

New written Veps, Texts for children

Source: Gennadii Grebencov. Kändi vepsäks Ol’ga Žukova, Kipinä. № 9, (2018), p. 17

Runod
(Vepsian)

Minun dedoi

Minun dedoi küläs eläb,
Traktoroid hän hüvin tedab.

Kaiken aigan kädes rad:
Kündab pöudod, lendab mad.

Mašinal hän rahnob leibäd.
Jüvid pandud täuded seinäd.
Hüvä radnik minun dedoi,
Kaikiš azjoiš mahtai, tedai.


Vauktad kärbhaižed

Homendesel Miša libui,
Iknaha hän kacuhti:
Lumel kattud ma i penzhad.

Kenak mugošt varasti?
Kärbhäd vauktad lendaba,
Vilud säd ei varaikoi.

Mikš-se nene kärbhaižed
Nikut ei buzaigoi?


Kuldaižed käded

Minun maman kittäs,
Paginad ei tühjaižed,
Rahvaz sanub: hänel
käded oma kuldaižed.

Minä en voi el’geta:
Kusak kuld-se käziš?

Vaiše nägenmamaine
Ani hotk om radoiš.


Kägi

Kus om pallišt pihkutoi,
Eläb kägi pezatoi.

Möst jo kukkub: ku-ku!
Mecas kuleb joga pu.
Sanu, kägi-linduine,
Pit’k-ik minun igäine?

Kägi vastha kukkuti,
Sada vot se toivoti.


Kaži

Läksi hirüt gul’gele,
Murka-kažin iknale.

Tabaz’ kaži hiren,
Söi i möstnä hillen’.

Veri, lapad leviti,
Ani sil’mäd umbišti.

Hirüt, ala tule!
Kaži kaiken kuleb.