Texts
Return to list | edit | delete | Create a new | history | Statistics | ? Help
Košella
Košella
Karelian Proper
Vychetaibola
No
, onhan s’itä kyll ollun .Ne kaikkie et muissa t’ietenki , no , ol’i yksi kerta .Šamalla , šamalla košella van ei sinä vuotena , a toissa vuotena .Näeš , kum mänet sinne perillä , n’i piti luat’ie ičelläš harččivoi , harččivoikši šanottih šemmon’i huoneh , (j )otta missä elyä , s’iitä ke… , tämä keittopo …ponttu šemmon’i , jotta mil (lä ) keittyä , s’ihi harččivoin reunah .Ku (n ) tulet košem piäl siel laverin kera , kum matkuat sieltä järvie myöt’en , n’i košen niskah kulet tulet , n’i laverin avuat .Še kum puut männäh , n’i siitä niijen häkötyksien kera pitäy jälkeh männä , šiel on kolmi venehtä , kakši hevoista , da ne , harččivoit ta n’iit pitäy keittoponttu , da vielä ne , laverimpuut , ne pitäy pl’itkuija da ne laškie sinne košen .Ne , ne puomit lašettih ielläh sinne , da šiitä lašet venehet , da ne kaikki , a s’iitä vašta lähet šen kotiš kera .
Lähemmä sieltä .No , kolm , kolmi henkie meitä on , kakš on .Vain n’el’l’änkö meilä , kolm henkie , kakš on etupuotiessissä , a yks on takapuotiessissa sielä .No , ne on airot , no puotiessiksi šanotah n’iitä , šuuret airot , pität .Juuri voit sillä .Matkuamma šen harččivoin kera , a s’iin on kešellä kakš kivie no .N’iistä vois’ männä kä , kun olisim ottan viisi henkie , jotta , eli n’el’l’ä henkie , jotta kakši henkie oli puotiessilla , n’i silloin še myö olisima , a myö , meilä ei ollun väkie n’i …n’iistä kivilöistä ohjata , ta mäne , ei muuta ku kivellä , kum mänöy harččivoi .Ta še .Ka sinnä päin näky kiäntymäh , ku laita puuttu ta ku läksi sitä peryä kiäntämäh da ei muuta ku alko kiäntyö kylellä da .Meil ei muuta , kun kylelläh še koko talo , da meäm piti sielä piäššä uimah , da uimalla s’iitä piäsimä sinne tuaš rantah , ta tuaš jalottamah , sinne mäntih eluot , sinne mäntih evähät , sinne kaikki šupi .Nu latno , še , čort s n’ei , ne evähät .No , šuaha pitäy še , kot’i kuit’enki .No šiitä otam (ma ) venehen , noššamma sinne , otamma l’oukossie , sinne kakši palua da viemmä sinne , ših taloh , nurkkah , da mänem (mä ) mualla , ta rupiemma hiššuamah s’itä , sillä tavoin .Hiššasima , hiššasima .Ottau , piru , ottau da lähtöy sieltä .No , vejämmä rantah .No laškie še pitäy ielläh .No , mitä še muuta , kun otamma yhen henken lisyä , lä …lähemmä laškomah .
No , tulima myö sielä , jo meil ei äijyä , ei äijyä s’itä koškie jiänyn .No sielä on , perkeleh n’ii , n’iin šakieh kivie n’iitä , jotta kuin nyt noista .A še i ukkoherra šano , (j )otta ”Elkyä läkkyä , pahotoilla luaškomah , jotta pitäy enämbi väkie šuah sinne siuh laškamah ”.A myö meinuam (ma ), (j )otta ”kyllä , myö mänem (mä ), piruoko myä rupiemma kymme… , lišyä voimua kuččumah ”.Mänemmä , ta kun toisen kerran puutumma , ka s’iitä mie olettelin šemmoseh paikkah , (j )otta s’iitä kun , no kun ei olis’ miehie ollun , s’itä kahta mieštä , n’ii em mie olis’ i piäššyn .Tuaš piru vie , tuaš kun kivellä män’i , tuaš kun rupei kiäntymäh , da mie en kerin sieltä vuidie , da miehäm painun sinne alla , emäškuin’i , da jalka lič …ličkautu sinne , šen .Talon šeinän da sinne , pohjah , em piäše sieltä jalka puuttu , hot’ sie kuim pane , no mie karjevvuin , no , piä miula šielt näkyy , mie šanon : ”Pojat ”, – jotta , – ”Auttakkua !”Mie šan (on ): ”Kiin’i olen ”, – mie šan (on ), – ”Em piäše mie tiältä ”.”Ka kuim mit’en ?”
No ei muuta , še , miun kaveri ottau kanken ta toisella šanou , jotta : ”Sie ole varalla , jotta kum mie em pisäytyne .”Šanou : ”N’i , n’i tavotat hot’ miun .”N’i .Hyppyäy veteh da sinne , kanken sinne alla , (j )otta eikö vois’ noštua , a hiän .No täštä šuat’i on vesi s’iih , jotta noštua , jotta mie piäšis’in sinn verrallah .No siitä .Hyppäsi kerran , ei še puu virta pois anna jälelläh , ottau s’iitä kanken ta i šyttyäy šitä etemmäks’i .Da kankista kulettau , jotta šuatto sinne , dak ka pisäyty , da no veješšä kun on ka veje …veješšä še hot’ on kepiempi l’iikkuo , ottau s’iitä , s’itä kihnuttau šanou : ”Koeta šuaha ,” – šanou , – ”Nyt ”.Da kihnutti , kihnutti , mie em piäššyn s’iitä , vetäyvyin sinne , hänen luo , no mie šanon : ”No vielä ku (n ) tämän kerran .”A jo piätä pitäy kikistyä , vesi šuuhu mänöy , a jalka on kiin’i , piäše pois en .No tuaš piäšin .No mie , (j )otta ”piessa viekäh ”, mie šan (on ).Mie šan (on ): ”Enampi ,” – mie šan (on ), – ”emmä lähe , hot’ tällä pitäy ei muuta , n’i lašemma nuorašša , nuorašša laškie rantua myot’en .”A meilä niät sie pitäy sitä miehutta näyttyä , jotta muka myökö , miehet , tai varislintuo .A ei pitäis’ joka paikašša olla n’iin uhharrutan kon’ešno , parempi olis’ iččie varattua , kun šemmosih paikkoih puuttuo .
Košella
Karelian Proper
Vychetaibola