Texts

Return to list | edit | delete | history | ? Help

Ladvan külä siižub Ojatil’

Corpus: Dialectal texts

Central Western Veps

Informant(s): Абрамов Николай Викторович, 1961
recording place: Ладва (Ladv), Podporozhsky District, Leningrad Oblast,

Source: Язык и народ: тексты и комментарии, (2002), p. 88-89

Ladvan külä siižub Ojatil’
(Vepsian)

Min’a kalanik olin’ mugoi, mišto jogel kaiken aigan olin’. Ečiba jo kaikel kanzal, pimedal min’a kus-ni jogerandal ongitan.

Mitte jogi sigä om?

Jogi om miil’ Ojat’, miiden külä om ez’meine Ojatil’. Ojat’ jokseb Vologodskijas oblastišpei. Kaks’kimne virstad Ladvaspei om Čoimjärv. Mii ongele käelimei, konz min’a jo vanhemb olin’, eduu tatanke, jäl’ges tovarišoideke, käelimei necile järvele, konz jougei, konz velosipedoil’. Ladv om ez’meine külä Ojatil’, sid’ töndasoi Kurb, Šond’jal, Järved, Nemž, Vidl, Vil’hal.

Om-ik Nažamjärv läz Čoimjärved?

Nažamjärv om kaks’ kilometrad rindou Čoimjärves, Nažamjärves oli der’oun’. Nažamjärv-se om sur’ järv, mugoi čoma, kivekaz rand. Eduu oli külä, a konz tönduiba kaik Šimjärvespei, siloi Nažamjärvespei-se läksiba.

Kolhoz oli Ladvas sur’, äi živatoid’, sigä Nažamjärves paimenziba. Minun d’ad’, Miša-d’ad’, oli paimnen, paimenzi vazoid’, lehmid’, heboid’. Min’a sigä kezou hänenno elin’, hebol openzimoiš ajamahas. Kalazimei, kalad siloi äi oli, ii tari olend nimiččid’ snastid, mäned mugomad ahvened kokiba, onghe, ušt’khe otiba sured ahvened.

Nügude vologodskijad tegiba čoman ten, sihe ajelesoi jo mašinoil’ da mil’ taht voib sihe tulda. Ladvaspei dorog nügude kazvahtub, min’a jougei kävelen sin’n’a.

Miččel tahol om nece külä?

Ladvan külä siižub čomal tahol mäthou, poles jogi, toižes järv, rindou mecad ele, püudod oma, sada vot mecan radliba, puutliba händast, tegiba püudod. Mecha tari astta virst, ani küläs ele mecad. Virstad ajad, tönttas jo marjad, gribad, sened.