Texts
Return to list | edit | delete | Create a new | history | Statistics | ? Help
Ol’ga Žukova. Kuna jokseb ojaine?
Ol’ga Žukova
Kuna jokseb ojaine?
Veps
New written Veps
Ühtel
homendesel mecas heraštui pen’ ojaine , kacunhti päiväižehe , muhahti i zavodi joksta .Muga hotkas jokseb , šolaidab kivižidme edemba i edemba .
Mecas kazvoi sur’ raid .Se laski ičeze barbad ojaižen vedehe .
– Kuna sinä joksed , ojaine ? – šuhaižiba raidan lehteižed . – Seižutade , pagiže meidenke .
No ojaine joksi edemba , šolaiži kivižidme .
Tuliba ojaižennoks jänišan poigaižed .Joiba vedut .
– Ojaine , ojaine , kut pigai sinä joksed , tule meidenke vändmaha !
No ojaine ei kulend heid , a veslas joksi edemba .
Kezapäiväl prihaine sizarenke keraziba mecas marjoid , a ehtal surdnuded astuiba kodihe .Pidi mända ojaižes päliči .
– Mitte hotk ojaine , kaiken aigan jokseb , nikonz ei surdu , – sanui prihaine .
– A kuna se jokseb , kuna rigehtib ? – küzui neičukaine .
– En teda .
A ojaine joksi , joksi edemba .Vezi hošti päiväižes .
Kuna se joksi ?Ičeze mamale vastha , surehe jogehe .
Kuna jokseb ojaine?
Veps
New written Veps