Texts
Return to review | Return to list
PROFESSII
history
June 03, 2019 in 00:11 Нина Шибанова
- created the text: Mitte silaa om professii (special’nost’)? Mina olen opastai. Požarnii. Pezii. Sepp (sepuu). Kirvezmiez’. Mal’ar. Keričii, parihmaher. Žurnalist. Fermer. Taidelii. Tiedomiez’. Sekretar’. Bankan ruadai. Ekspert. Liägär’, douhtor, vrač. Kazvattai, detsadun kazvattai. Hoidai. Redaktor. Kengänombelii. Muzikant. Ozutelii, akt’or. Myödäi. Šofer. Biznesmiez’. Ruadai. Brigadir. Professional. Virg(u). Miččes virgas häin ruadab (Kenen häin ruadab)? Häin om kniigupainamon johtai (direktor). Iruu, mitte opastuz silaa om? Mina lopiin kesk’školan da muzikal’nuun školan. Nygyy mina opastun zaočno kul’tuuran učiliščas i ruadan pezijan bibliotiekas. A mikš sina kyzyd siid? Tahtudik sina ruata meiden teatras? Interesnoi kyzymys. Mida sina tahtud tiedustada? Mikš sina ruadad pezijan? Mina tulin lidnaha ei amu, täst om dyged löita ruadon. Derein’as mina ruadoin myödajan laukas, no se milii ei olnu miel’t myöti. Sina vet äijän vuot viandžid teiden rahvhan teatras, i hyviin viandžid. No, i milii se olii miel’t myöti. No se oli vaa harrastus, hot’ teatran mina ylen l’uubin. Sinun interes voib siatakse professiaks. Älä sanu arbatuksiil. Sina l’uubid teatrad, hyviin tiedad kard’alan da suomen kieliid. Da d’o opastud siga, kus opastetaze tulijuud teatran da kinon akt’ouriid. Mina opastun bibliotekar’aks i teravas lopin. Ylen hyvä. Nygyy kul’tuuran učilišče ečib nerokahan nuorižen akt’ourin otdelenijale. Rubedad opastumaha da ruadamaha meiden teatras. Nu, en tieda. Sina kuundlid, huomen meiden derein’aha tulob Toivo, hänel oma kuldaažed käded. Kutt tämä voib olda? Häin žo školad ei lopnu. Ei lopnu. No käded hänel oma kuldaižed. Mužik i pövyn omblöb, villakod dai toižed d’augaačimad koheta maltab, dai päčin panob. Häin, konešno, muaster. No mina duumaan, meiden aigal pidab äijan opastuda, ku löitä hyvän ruadon. Vott i mina sid sežo.
June 03, 2019 in 00:11 Нина Шибанова
- created the text
- created the text translation