Texts
Return to list | edit | delete | Create a new | history | Statistics | ? Help
Šallun Anni. Karjalan Kielen Kodi levendi tilat
Šallun Anni
Karjalan Kielen Kodi levendi tilat
Livvi
New written Livvic
Onnuako
ku ei jogahine , ga joga toine karjalaine vältämättäh sai kävvä Vieljärven kyläh Karjalan Kielen Kodih .Se on toven poikkevuksennu äijis toizis hommis da projektois mindäh sendäh on nostettu mieron väil , lahjoituksil da omal tahtol .Se on kaikkien karjalazien aijanaigaine suavutus da ylbevys .Karjalan Kielen Kodi kuuluu jogahizeh karjalazeh .
Hätken vuotettavu taloin toine kerros on valmistamizilleh .Tärgevimät tilat – lava da kaččojien zualu – ollah valmehet jo .Kuuzipuus veistetyt lahkot tullah hyväl nenäh täytty vägie .Oraskuun 5.päivänny täs piettih vastavus kielipezän lapsien vahnembienke .Jo oraskuun 7.päivänny Karjalan Kielen Kodi otti vastah enämbän sadua gost’ua , kui omua kylälästy , mugai lähikylis da Jessoilaspäi tulluttu .Voitonpäiväkse oli ezitetty Seiččei luzikkua , seiččei tiähtie -spektakli Nina Sem’onovan mugah .Sen enzi-ildu piettih mulloi .Mennyt suovattan Karjalan Kielen Kodih suadih kävvä karjalankielizien kursiloin rahvas Petroskoilpäi .Sie piettih kielenopastandan sezounan salbajazet .
Karjalan Kielen Kodi levendi tilat
Livvi
New written Livvic