Texts
Return to list | edit | delete | Create a new | history | Statistics | ? Help
Muajilman šuurin kalitta paissetah Sortavalašša
Muajilman šuurin kalitta paissetah Sortavalašša
Karelian Proper
New written karelian
Peritehellini Karjalaisen
kalitan festivali kuččuu kaikkie maistamah karjalaisie sriäpnie 17.kešäkuuta .
Kalitta-festivalie pietäh 2014 vuuvvešta alkuan ta vuosi vuuvvelta šen mitat yhä šuuretah .Vierahat ympäri Karjalua , Venäjän eri šeuvuilta ta Šuomen puoleltaki yhytäh tähä pitoh .
Vuotena 2016 festivalipäivänä oli valmissettu noin 7000 eritäytehistä kalittua .Tänä vuotena meinatah paistua vielä enemmän .Kaikki kalitat paissetah juuri festivalipäivän aikana .Pivon järještäjät kučutah vierahie maistamah kuin perintehellisie potakka -, prossa -, rahkakalittoja , šamoin ni epätavallisie – lampahanjuušton , kinkun , makkaran ta lohen kera .
Vierahat šuahah yhtyö erilaisih muasteri-oppiloh : paistua kalittua , luatie perintehellisie käsitöitä , pelata kyykkyä .Festivalin rajoissa pietäh Kalitta , kalittaini -kilpailu ruokapalvelulaitokšien kešen , voittajat valitah kolmen nominatijon mukah : Perintehellini kalitta , Erikoisrešepti ta Kaikista pienin kalitta .
Kilpailun piäsut’t’ana on Šuomen ta Pohjois - Karjalan piäkeittäjäliiton varapresidentti , Karjalaini gorničča -ravintolan piäkeittäjä Tarmo Wasenius .
Perintehen mukah festivalin kohokohtana on Piipun Piha -ravintolan tarjuoma lahja .Ravintolan keittäjät paissetah muajilman šuurin kalitta ta meinatah tänä vuotena voittua viimevuotini rekordi .Viimekši kalitta oli 2,10 metrin pituni ta 0,95 metrin levie .
Šen lisäkši festivalin vierahat šuahah nähä konserttiohjelma , kumpaseh yhytäh laulajat ta šoittajat Sortavalašta , Petroskoista ta Piiteristä .Pruasniekkaohjelman lopušša esiintyy Karjala-folklorijoukko Petroskoista .
Muajilman šuurin kalitta paissetah Sortavalašša
Karelian Proper
New written karelian