VepKar :: Texts

Texts

Return to list | edit | delete | Create a new | history | Statistics | ? Help

Ulkomuajilmašta erissetty

Ulkomuajilmašta erissetty

Karelian Proper
New written karelian
Kalevalan piiri on joutun kokonah šivuh rautatieyhteyveštä, šen jälkeh kun 26. oraškuuta oli lopetettu Kalevala-Kemi -bussireissu. Paikallini liikemieš Jakov Nifantjev, kumpani 17 vuotta oli kulettan kalevalalaisie tätä reittie myöten, piätti lopettua työt. Toiniki liikemieš, kumpani oli toteuttan matkuštajareissuja Kemistä Kalevalah, niisi oli kieltäytyn matkuštajien kulettamisešta.
Kulettajie voit ymmärtyä: Kalevalan ta Kemin välini tie on šurkiešša kunnošša ta liikemiehet käršitäh tappivoja, šen takie kun buššit aina rikkauvutah. Kalevalan piirihallinto ta tašavallan valtaelimet ei tiijetä, mitein tuo proplema vois ratkaissa.
Pitäy mainita, jotta juuri kešäkuušša 2017 täytyy 90 vuotta šiitä, kun Kemin ašeman ta šillosen Uhtuon välillä avattih enšimmäini autobuššilinja.