Texts
Return to list | edit | delete | Create a new | history | Statistics | ? Help
Jakovleva Nina . Kalakurniekku kalamuagarile
Jakovleva Nina
Kalakurniekku kalamuagarile
Livvi
New written Livvic
Minä
kaikis enimäl suvaičen kalakurniekkua – se on pastos , ga sie on kaluagi .A karjalazethäi ollah kalamuagarit , ku ijän kaiken elettih järvirannois .Myö kalakurniekkua luajimmo täh luaduh .
Tahtastu luadijes valakkua kuppine kiehutettuu da vilustettuu vetty , ližäkkiä suolua näppine da rugehistu jauhuo .
Syväimekse pangua kalua – tavan mugah pannah särgii , vähäzel verekse suolattuu libo juuri veresty .Voibi , tiettäväine , panna muudugi kalua – kuhua , ahvendu , riäppöidy .
Vies da jauhuos sevoittakkua sagei tahtas , ližäkkiä suolua .Tahtas pidäy olla moine sagei , ku ei tartus stolah .Värtinäl tahtas ajelkua hoikakse pärpäčykse , keskele pangua kalat .Mavukse kaloih pangua argi - libo pyhävoidu da laukkua .Ku kurniekkah pandavat kalat ollah juuri verekset , niilöin piäle ripoittakkua suolua .
Sit salvakkua kurniekku da luadikkua se pitkäčykse , gu veneh rouno .Kurniekkua yhtistäjes voibi jättiä pieni loukkoine , ku kalat hyvin pastuttas da liijat viet niilöis lähtiettäs .
Kurniekku pangua pastumah suureh päččih .Sie se pastuu 15 minuutas .Päčis otettuu kurniekku konzu voijeltih , konzugo muga syödih .Kalakurniekkua syödih kalarokanke , otettih niityle maijon , hapainmaijon , vuasunke syödäväkse .
Kalakurniekku kalamuagarile
Livvi
New written Livvic