Texts
Return to list | edit | delete | Create a new | history | Statistics | ? Help
Kut külä eläb nügude
Kut külä eläb nügude
Veps
Central Western Veps
Rahvaz
küläs kaika koleb , a rot’t’e ii .Touvel ka eläb tedan kaks’ sadad mest’ , a kezou äi , tuleb äi lapsid i vanhembit-ki otpuskoihe , kezou äi rahvast , a touvel vähä .Vodes koleb kimne vai kaks’toštkimne mest , a rodiše iks’ vodes .
– Stroidas-ik uzid pertid ?
– Stroidas vaiše dačoikš , erased Piterišpei . Enččed eläjad ii tehkoi .Külä om sur’ , a eläjid’ vähä .
– Om-ik škol ?
– Školas min’a olin’ kaks’ kud tagas . Školas nügude kaks’ last , nel’l’as klassas kaks’ last i iks’ opendai .Iks’ laps’ om hänen vonuk .Opendai sanui , mišo uduu voduu linneb kuume ili nel’l’ mest’ .
– Sanu mil’ rahvaz sötlihe siloi , konz sinä noren olid ?
– Siloi oli kebn söttas sen täht , mišo radod oli , maksoiba rados . Siloi liib oli odv , sönd oli odv , sovhoz oli .Kons-se voinan aigan oli Ladvas viž kolhozad , kaikuižes der’ounas oli kolhoz , rahvast oli äi .Jäl’ges tegihez iks’ , Put’ krestjanina .Sid’ kolhoz sovhozaks tegihe , kazvatiba kartohkad , siloi kazvoi i ozr i rugiž i herhez .
– Živatoid’ pidiba sovhozas ?
– Sovhozas oli parembil’ vozil’ tedan kuume sadad lehmid’ . Ladvas oli kaks’ fermad , oli hebod , vazad .Nügude sovhoz om soubanus , kaik fermad siištas …vaiše siin'ad .Kaik loudad jo resttud , ristitud kaik sijad jo kodihe vediba .
Eduu vediba radnikoid’ Kurbale , sigä lespromhoz oli , kaks’ mašinad radnikoid’ mecha vediba .Ladvaspei oliba traktoristoid’ i akad mugažo oksid’ čapmaha ajelihezoi .Nügude ele sida .Mecad vähä čaptas i vedadas , Kurbou-se radod ele kaikile , sigä eläjid’ äi om .
– No mad küntta ii voigoi ?
- Ümbri küläd piidod kazvahtudas lepil' , lepad pigei kazdas . Astud ka kacud , miše ii amu sigä hiin’an tegiba , nügude söm kalliž loukas ka živatoid' kaik tahtoitas pid’ada .Kudambiš püudoiš kazvateliba kartohkad i ozrad , nügude vaiše hiin’an tehtas .
– Maidon kaiken iče södas vai vedas kuna-se ?
– Vaiše ičele , möda ii kuna , ii otkoi nikuna . Konz vuu sovhoz oli ka maidod zdailiba , min’a iče kandišin’ bitonou .Lehman mam čomin’ sötli ka andli kaks’ vädrad maidod pejaks , homencuu vädran i ehtkoižuu , sovhozaha vedim , sovhoz ostli .Jäl’ges nece kaik soupsihe , nügude vaiše ičelemoi söda , ičele da živatoile .
– A ende sovhoz kuna pani maidon ?
-A vediba Potporožjaha , sigä oli jo zavod .Nügude ken radab , ka ičtas sötta voib , a dengoil’ mida-ni ostta ka tari kus-se rata .Erased kudamad oma radnikad ka ajelesoi , kelle-ni dačoid stroimähä da mida-ni .I Karjalaha ajelesoi mugažo , lespromhozas ratas .Om vuu äi norid’ prihoid’ , kudamad humaloitas , ii rakoi .
Koumžoile mäd konz , rindou küläs oma koumžomad , kacud ka veresid’ koumoid’ äi , minun igäd i norembad mužikad , kolnuded vinan täht .Nügude kaikes küläs mödas spirtud , mödas odvas , anttas vüughä-ki hot’ konz , hot’ kesköd mäne .Tävvoduu tedan jo kaks’ ukod kol’ , kudambidenke ihtes kazvoim .
– Sanu vuu , pagištas-ik sigä Ladvas vepsäks .
– Ladvas da i Mäg’gärves konz astud , ka kulub pagin . Iče-ki mäd loukha ka pagižed , voib kulištada vuu .No om äi norid , kudambil’ kazvatajad oma vepsläižed , a hii jo vaiše ven’aks pagištas .
– A škol nügud vaiše Kurbas ?
– Ladvas vaiše kaks’ klassad . Kurbou internatas vähä eläb .Min’a ku openzimoi , internatas miid’ oli enamb sadad , a nügude en teda omik kimne mest internatas .Kurbou om ühesa klassad , jäl’ges Kurbad Vidlaha , min’a-ki openzimoi kaks’ jäl’gmäšt vot Vidlas .Sed voded oliba čomad .
– Avtobusad kävutas Vidlaspei Ladvha ?
– Ende avtobus käveli nel’ kerdad nedališ , pejas päliči .
– Tuleb-ik sin’n’a elämaha rahvast toižiš ag’joišpei ?
– Oli ühtuu aigou mugoi az’j , mišto Ladv edahaline külä ka oigendeliba sin’n’a , ken türmas oli ištund ka Piteriš ii anttud eläda , a oigetadas sada ez’mäižel kilometral . Nügud-ki oma vuu mehed kudamid’ oigendeliba .Akoid-ki oli äi , norid’ vuu .Nened akad jo mehele mäniba ladleižihe prihoihe , erased jo ii iksin’ kerdoin’ .Hii mugomad , kurd’as da i gul’aidas .
– Hii toiba küläha ičeze kul’turan .
– Ka , ičeze kul’turan . Erased vepsan kelen-ki openziba .
Kut külä eläb nügude
Veps
Central Western Veps