Texts
Return to review | Return to list
Died’oi da vunukku
history
October 16, 2021 in 20:54 Nataly Krizhanovsky
- created the author of the source: Työndi Volod’a K.
October 16, 2021 in 18:43 Nataly Krizhanovsky
- changed the author of the source
from Työndi Volod’a K.
to
September 16, 2019 in 21:33 Нина Шибанова
- created the text
- created the text: Eli-oli muailmal ylen vahnu starikkaine. Hänen silmät oli jo mutakot, polvet ainos säristih dai kuuli häi pahoi. Konzu häi istui stolan piäs, käzis odva pyzyi luzikku, nikui ei voinnuh ozua syömizen suuh, vai tiputti. Hänen poigu da nevesky kačottih pahal silmäl, sit luajittih hänel sijan päčin tuakse, kus died’oi yksin istui da söi. Sinne joga kerdua hänel tuodih syvvä saviasties. Puaksuh starikan silmis juostih kyynälet, häi ainos kurkotteli čupuspäi stolah, kus syödih nuoret. Kerran saviastie pakui lattiel dai mureni palakse. Nuori nevesky rubei čakkuamah died’oidu. Starikku ni yhty sanua ei voinnuh sanua vastah, vai kačoi lattieh da hengästelih, piä oli alahan. Tämän jälgeh died’oil ostettih puuhine aste. Kuului päivii. Poigu da nevesky erähän kerran nähtih, kui elostau heijän lapsi. Häi laijaili pienii laudazii. – Midäbo sinä luajit? kyzyi tuatto poigazel. – Ga luajin kartastu. Konzu äijäl vahnenetto, rubien teidy muaman kel sit syöttämäh. Muamo da tuatto vaikkaine kačottih toine toizeh. Mollettiloil rodih huigei oman lapsen ies. Tämän jälgeh joga kerdua died’oi istui yhtes heijän kel stolas eigo kuulluh omas poijas da ni neveskäs ni yhty pahua sanua.