Texts
Return to list | edit | delete | Create a new | history | Statistics | ? Help
Valentina MIRONOVA. Uvven aijan “Kalevala”
Valentina MIRONOVA
Uvven aijan “Kalevala”
Livvi
New written Livvic
Kalevala-eepossu innosti
äijii taidoilijoi , muuzikan kirjuttajii da ohjuajii luadimah eriluaduzii tevoksii , kuduat omah luaduh kuvatah karjalazien igivahnua kul’tuurua da uskonduo .Uuzi polvi eččiy uuttu tabua lugie eepossua .Nygöi myö toiči livailemmo “Koirien Kalevalan ” sivuloi libo tuttavummo “Kalevalah ” komiksoin kauti .Viego löydyy uuttu muoduo ?
Mennyön nedälin lopul
(23.11.-25.11.) Kanzallizen teatran pienel laval ozutettih uuttu virtualistu spektaklii “Kalevala .Epizoudat ”.Se kesti vaigu 26 minuuttua da sen aigua kaččojat ei istuttu pehmielöis kreslois , vai seizottih kuulokkehet korvis da stereo-očkat silmil .Yhtel aigua spektaklii voijah kaččuo vaiku kaksi hengie .
Virtualine spektakli kerras “vei ” kaččojii toizeh aigah , toizeh muailmah , kuduas eletäh tundietut eeposan piähenget : Väinämöine , Ilmoilline , Lemminkäine , Pohjolan akku da muut .Myö olemmo heijänke , konzu muailmu oli rodivumas , konzu piähenget käydih koziččemah Pohjolan akan tytärdy , konzu Ilmoilline oli tagomas Sampomelliččiä .Sepän tagondan aigua myö buitegu seizommo tulikosken reunas , varaittau kävellä tulizii jälgilöi myöte , a gu sordunet sinne alah ...Nenga kaččoi on virtualizen spektaklin ozanottajannu , kävelöy kallivoloin reunoi myöte , ajelou yhtes piähengienke suures venehes .
Spektaklin aigua kuuluu vienankarjalua da liygii , se vie kerran tovestau , ku eeppillizet pajot oldih tutut kogo Karjalas da eri čuppuloin karjalazil oli yhtehine perindö .Spektaklin lopus venehes ajai mies pajattau baijutuspajuo , jättäy meidy miettimäh tulies aijas libo viey meidy tulieh aigah .Unen jälles myö havačummo uvvessah uudeh elaigah .
Olis hyvä , ku tädä spektaklii tulis kaččomah enämbi rahvastu , enimytten nuordu , ga teatru ei voi ozuttua sidä suurele joukole .
Uvven aijan “Kalevala”
Livvi
New written Livvic
(23.11.-25.11.)