Texts
Return to list | edit | delete | Create a new | history | Statistics | ? Help
Vuvil’tu-hir’
Vuvil’tu-hir’
Veps
New written Veps
(eskimosolaine sarn
)
Joksi reboine Vuvil’tu-hiren jäl’ghe . Vuvil’tu joksi , joksi da nägeb – reboi om jo lähen .I hir’ hotkas libui surele kivele .
Vuvil’tu ištui kivel i säraiži varaidusespäi .A reboine veri kivennoks da varastab , konz hir’ surdub ištta kiven päl i laskese alahaks .
Paremba minä kolen näl’gha , mi reboi söb mindai , – meleti Vuvil’tu , – tarbiž midä-se tehta .
Meleti Vuvil’tu , meleti , kut manitada reboid , i tuli hänele päha üks’ azj .Hän hüppiškanzi kivel i pajataškanzi :
– Pi-pi-pi !Pi-pi-pi !
– Mikš sinä tegitoi mugoižeks veslaks ? – küzui reboi .
– Minä nägen : mecnikad astuba tänna keihad da taugad kädes .
– A mitte sinun tö , miše hö tuleba tännä ? – küzui reboine .
– A kutak ! – sanui Vuvil’tu , – konz hö tuleba necehe kivehesai , kaiken tegeba lämoid i ištusoiš sömha . Voib olda , minei-ki midä-ni jäb .
– Ištusoiš-ik mecnikad necen kivennoks ? – küzui reboine .
– Ka , tägä , kus sinä venud ! – sanui Vuvil’tu .
– Tedad-ik midä , – sanui reboi , – minei tarbiž mända longile . Lähten-ko minä kalatamha .
Libui reboine da hilläšti mäni , a sid’ hotkemba da hotkemba .Muga i pageni reboi tundraha .
Vuvil’tu-hir’
Veps
New written Veps
–