Texts
Return to list | edit | delete | Create a new | history | Statistics | ? Help
Natalja Anhimova. Lämäd muštlotesed
Natalja Anhimova
Lämäd muštlotesed
Veps
New written Veps
Tämbei
om 24.semendkud …Homesel heraštuin unišpäi : ”Mina olen läm’ .Koske mindei .Eläb ”.Päiväine om d’o amu libunu , unes nägen ičein armhan Pol’a-töt’an .Hän om mugoitte nor’ , čoma , kehker mod , päl ohraine kezapaikaine , vihandoiš sobiš d’oksob minunno , muheidab , mise sanuda kaikile ristituile , hänel om kaik hüvä , hän kaikid miid armastab …
A mö kaik armastam händast .Miide südäimiš Polina Polikarpovna om eläb .
Hänen südäin siižutihe aigoiš homesel , surel praznikal , miččen hän lujas navedi , 9.semendkud .Meletan da vaise pakičen : ”D’umal , kaiče Pelagijad !”.
Polina Polikarpovna eli pit’kan igan – 93 vott !Neciš igas oli kaiked , dügedad da hüväd .Hän perehes oli kaikid lapsid vanhemb .Perehes oli viž last .Da konz lapsed ol’d’he völ nored (nece oli 1942.vodel , konz hö ol’d’he evakuacijas Vologdan agd’as , Rubež-sijaižes ), kol’ heiden mam Klavdija Pavlovna .Pereh däi bat’anke .Vaise tuli Šoutarven agd’an päzutand , hö perdihe tagaze kodihe .Bat’ radii pämehen kolhozas Mägel , siga pereh eli .Ii üht kerdad nedališ hänele pidi mända Šoutarvehe radole .Kerdan , konz irdal oli völ vilu , äi lunt , suur’ döl , suim lopihe möha ehtkeižel .Polikarp Jegorovič Šoutarvespei läks’ kodihe .No tulda kodihe ii voinu , hän läks’ dorogaspei , ön venii lumes , vaise homesel händast lüut’he da tod’he kodihe .Hän vähän läžii i kol’ .Ehti vaise antta nakazad Pol’ale .Necil nakaziil hän eli – koumiile sizariile da vellele oli maman da bat’an .I muga oli ii vaise konz hö ol’d’he nored , a kaiken igan , surmhassai .
Polina Polikarpovnal oli ičeze pereh , koume last : kaks’ prihäšt da niičukaine .Kaik hö kazdihe hüvikš ristituikš .Kaikil oma ičeze perehed da lapsed , lapsil d’o ičeze lapsed oma .Sugu om eläb .
40 vott hän radii kacujan Šoutarven lapsiden päivkodiš . Polina Polikarpovna ezmeižen zavodi vöda vepsän kelen urokoid Šoutarven školas 1990.-vozil .Sil aigal äi rahvast tuli hänen urokiile , mise kacta da opetaste hänespäi .
Konz tuli aig sanuda ristituile necen pahan vestin , ii üks’ mez’ ezmäks sanii : ”Polina Polikarpovna – nece om mugoitte ii korged kazvol akaine , hänen sil’miš hoštiba hüvüden kibinad ”.
Ka , mugoižed čomad sinižed sil’mad hänel ol’d’he .Konz hän vii paginan , hän ot’ sinun käded ičeze käzihe da kacii sinun sil’mihe .Polina Polikarpovna oli lujas laskav mez’ .
Laskav oli i hänen nimi .Mikš-se ende minun päha ii tulnu , miččen čoman anttihe Klavdija Pavlovna da Polikarp Jegorovič ezmeižele neičukaižele nimen .… korvha tulob laskav da pehmed än’ . Ezmeižed kirjamed tütren nimes da bat’an nimes oma ühtejiččed kulundas (POLIna , POLIkarp ).Necen pol’he miile sanii pap’ Prokopii .
Miide südäimiš hän om eläb .Äi eläbid änikoid da hüvid sanoid sanutihe Polina Polekarpovnale däl’gmeižel hänen vastusel .
Nacein , völ enamba lämid da parahimid muštlotesid om südäimiš ristituil , ked händast tet’he , ked ol’d’he hänenke rindal .Abus Hänele kaik sanum : ”D’umal , kaiče Pelagijad !”
Lämäd muštlotesed
Veps
New written Veps