Texts
Return to list | edit | delete | Create a new | history | Statistics | ? Help
Georgiev, Sergei . Dan'a da Kol'a
Georgiev, Sergei
Dan'a da Kol'a
Livvi
New written Livvic
Läkkä !
Dan’a havačui
aijoi huondeksel .Kaččou – Kol’agi on jo havačunnuh !
– Lähtemmögo kižuamah pihale kaikekse päiviä ? puašitti Dan’a vellie .– Vie karuselilgi ehtimmö !
– Läkkä ! vastai Kol’a .
– Toinah olgah sen karuselinke , rubei duumaimah Dan’a . – Pihale ku lähtenemmö , ga vältämättäh näemmö sie susiedoin Mirri-kažin , kižuammo senke vähäzen , sit opastammo sidä pagizemah , lugemah da kirjuttamah !
– Läkkä ! vastai Kol’a .
Dan’a tarkah kačahtihes Kol’ah .
– Sit sinä olet sidä mieldy , ku Mirri ei malta lugie meijättäh ? Emmo rubie menettämäh aigua sudre !Myö sinunke , Kol’a , luajimmo kosmossulaivan !Vot !Da täl laival lennämmö Kuudamassah da järilleh !
Kol’arukku nimidä ei ehtinyh virkua .Magavopertihvtuli buabo .
– Jogo havačuitto ? kyzyi buabo .– Moločat ! Hyviä huondestu !Nygöi mengiä pezemäh silmii !
Dan’a da Kol’a kačahtettihes toine toizeh .
– Hyvä , ku juohatit , buabo , sanoi Dan’a . – Eiga lähtenyzimmö Kuudamale silmii pezemättäh !
Da kyzyi vellel :
– Lähtemmögo pezemäh silmii ?
– Läkkä ! vastai Kol’a .
Liedžu
Kezämökin pihah died’oi azetti liedžun Dan’ah da Kol’ah niškoi .Tovellizen , ihan moizen , kui päivykois .
– Oho ! ihastui rohkei Kol’a .– Täl liedžul voibi taivahassah liedžahtuakseh ! Korgiembi pilvii nosta !
– Ga toinah ei taivahassah ..., rubei ebäilemäh Dan’a .
– Ozutan nygöi ! rohkieh vastai Kol’a .
Brihačču rubei liedžumah , mi oli vägie .
– Piettäi hyvin ! ehti kirguo vellele Dan’a .
Ga Kol’a oli jo korgiembi kodiloi , korgiembi kuuzii da pedäjii !Oman ičen ies häi nägi valgien kidžerän pilven !Brihačču ravieh tembai sen käil da kobristi lujah .
Konzu liedžu azetui , Kol’a harpai Dan’ah päi , oijendi hänele käin da avai kulakan .
– Kačo , täs on se pilvi !
Da kerras vaikastui .Kämmenel ei olluh nimidä .Pilvi oli kunnelienne hävinnyh .
– Kusbo se on ?... odva ei itkustunnuh Kol’a .
Dan’a sebäi vellie .
– Heitä velli ! Anna pilvi hävii !Minähäi sen näin !
Dan'a da Kol'a
Livvi
New written Livvic
–