Texts
Return to list | edit | delete | Create a new | history | Statistics | ? Help
Pertti Virtarannan. Kymmenen tikkuo lauvalla
Pertti Virtarannan
Kymmenen tikkuo lauvalla
Karelian Proper
New written karelian
Leikki
Noin metrin mittani lauvanpätkä pannah kiveh , halon tahi minnih pualikan piällä niin , jotta toini piä kaččou ilmah .Muašša olijalla lauvan piällä pannah vierekkäh poikittain kymmenen šamanmittaista tikkuo niin , jotta još ilmašša olijah lauvan piäh potkaissah , niin ne lennetäh ilmah ympärillä .Šovitah enneštäh , mi on “vankila ” (kivi , puunjuuri ta muuta šemmoista ) ta mi on “kirja ” (puu , nurkka ta muuta šemmoista ).
Alkulorulla valitah eččijä .Hiän mänöy šeinyä vaššen , peittäy šilmät käsillä ta laškou kahtehkymmeneh , tahi mih šovitah .Toiset männäh peittoh .Konša eččijä näköy ketänih peitošša olijua , niin hiän juokšou “kirjan ” luo , koškou šitä ta huutau : “Iro kirjašša ”.Löyvetty juokšou lauvan luo ta još hiän kerkiey potkaissa tikut lentoh , ennen kun eččijä on kirjannun hänet , niin hiän šuau uuvveštah peittäytyö .
Još eččijä kerkiey kirjata löyvetyn , niin tämä joutuu “vankilah ”.
Toisešša tapahukšešša eččijä šuau ryhtyö uuvveštah työh vašta kun on poimin tikut tukkuh ta lat’t’an ne lauvalla .
Još tikkujen lennäteššä “vankilašša ” on muita löyvettyjä , kumpasie on keritty kirjata ajoissa , niin hyö vapauvutah uuvveštah peittoh mänijöiksi šilloin , još tikut on “lajillisešešti ” potkaistu .
Leikki jatkuu šiih šuati , kuni kaikki peitošša olijat on löyvetty ta vankittu .Uuši eččijä on še , kumpani on enšimmäisenä puuttun vankiksi .
Kymmenen tikkuo lauvalla
Karelian Proper
New written karelian