Texts

Return to list | edit | delete | history | ? Help

Adivoiš sarnas

Corpus: New-writing language

New written Veps, Journalistic texts

Source: Gul’a Polivanova, Kodima. № 11, (2019), p. 6

Adivoiš sarnas
(Vepsian)

V Festival’Vepsläine sarnmöstna kerazi lapsid da vanhembid koumes regionaspai. Piterin da Vologdan röunad oigenziba ičezoi konkursantoid, a adivoičetajad ižandadkarjalaižed vepsad, lämäs vastsiba kaikid adivoid. Kaik Kalagen školan opendajad da toižed radnikad paniba äjan väged da hengen lämäd, mišto Festival’ proiduiži muga hüvin.
Jubilejan Festivalil kerazihe severdan rahvast, mišto školan praznikzalaha odva kaik mülüiba! Vaiše kut sanudas: ”Ahthudes, da ei abidos!». Vanhad, norembad da lapsed lämäs vastsiba kaikuččen kollektivan komedoidenke aplodidenke.
Eriži tahtoiše sanuda lämid vaihid laudkundale. Heil oli jüged radtari oli nikeda ei abidoitta. Kaik lapsed i vanhembad tarkas pajatiba da kargaižiba, a kuverdan ombliba kost’umoid da tegiba atributoid, kut čomin pagižiba ičemoi kelel! Laudkundan pämez’ Nina Grigorjevna Zaiceva i toižed ühtnikad tugeziba kaikid lapsid. Nägui, kuverdan väged paniba kaik, ked läksliba teatrlavale. Erasišti teatrlaval ozutadihe varastamatomid azjtegoid.
Kuverdan kerdoid oli Festival’, severdan kerdoid tulemei Kalagehe. Koume kerdad ozutimei tegij an sarnoid: ”Parahim sebranik”, ”Armastusen vägi”, ”Kut om sündunu vepsän rahvaz”. Muloižel konkursal ozutimei teatrozutelusen vepsläižen sarnadmeKut mužik jäi emägäks”. Täl vodel meletimei, mišto kan man sur’t pühäd, 75-vottušt Vägestusen päiväd tari muštištada kaikid ristituid, ked paniba pän necil voinal, ked surmhassei radoiba küliš i lidnoiš. Ei ole ni üht kanzad meiden Kodimal, kuna ei tulend paha kibu.
Meiden ozuteluzKaičemei muštos i hengesom kaikiden heiden polhe. Oli ozuteluses kerdtego, kut nor’ neižne kaimzi ičeze prihad da kut händast riktihe nedališ päliči. Toine elon kerdtego oli saldatan polhe. Hän kirjuti kodihe kirjeižen, kus starinoiči, kut riktihe kaik heiden vzvod i jäi henghe vaiše nel’l’ saldatad... Kutnä pahan sarnan starinoiči baboi vunukoile kaiken kanzan polheken kut vojui da miš sai medalid. A lopuks kaik läksiba ičezoi heimkundoiden fotoidenke da pajatiba pajon, kut tari kaita mušt neciš voinas. Fil’mkanghal mäniba kadrad voinan polhe, a rahvaz kacui da kundli kündled sil’miš
Minai, kutnä opendajal, oli läm’ henges, konz ajades tagaze, lapsed avtobusas zavodiba pajatada loppajon meiden ozutelusespäi. Voib sanuda, mišto ei unohtagoi, mič čen kal’hen arvon maksoi meiden rahvaz necil voinal.
Ičemoi nominacij asKanzan tradicij ad saimei ezmäižen an. Openik 9. klassaspäi Karina Smirnova sai ezmäižen an pirdatuses. Lapsed da kazvatajad, kudambad tuliba konkursale jäiba diki hüviš meliš. Vastused sebranikoidenke, paginad ičemoi kelel, čomad ozutelusedkaik nece tuli mel’he. Lapsile hengedme tuliba lahjad i iče Festival’. Sur’ spasib kaikile! Sädajad tegiba suren i hüvän radon. Festival’ proidui i varastamei uden. Kaiked hüväd kaikile, sebranikad! Vasttamoiš kahtes vodes päliči!