Texts
Return to list | edit | delete | Create a new | history | Statistics | ? Help
Nadežda Petrova. Lämäd vastused redukus
Nadežda Petrova
Lämäd vastused redukus
Veps
New written Veps
Redukus
lapsil , kudambad opendasoiš Petroskoi-lidnan Suomalaiž-ugrilaižes školas , oli kaks’ melentartušt vastust .Nene vastused oli tehtud Vepsän kul’tursebran da ”Randaine ”-pajosebran ühtnikoiden abul ”Muzikaldoine ”-projektan todenzoitusen aigan .Neniden vastusiden pätegii om L’udmila F’odorovna Aleksejeva .
Ezmäine vastuz oli 1.redukud .L’udmila F’odorovna Aleksejeva da Nina Nikolajevna Nazarova tuliba školha vepsän kelen urokale .Hö openziba lapsid , kut pidab tehta vepsläižid tätüižid .Urokaha ühtniba 1.B da 4.B klassoiden openikad .Lapsile tuli mel’he nece rad , sikš ku hö ičeze käzil tegiba tätüižid da otiba niid kodihe .L’udmila F’odorovna da Nina Nikolajevna lugiba runoid vepsäks da kaiken urokan pagižiba vepsän kelel , sikš lapsil oli voimuz opeta uzid vepsläižid sanoid .Nece mastar’-klass tuli kaikile mel’he .
Toine vastuz oli 15.redukud Rahvahiden kul’turiden keskuses .Sen pätem oli ”Veps läižed vändod ”.Meid hüvin vastsi ”Randaine ”-pajosebr čomil pajoil .Lapsed-ki ozutiba ičeze mahtoid vepsän keles .Hö lugiba runoid , pajatiba lühüdoid pajoid vepsäks .Sen jäl’ghe pajosebran ühtnikad tundištoitiba lapsid ”Kadomatman… ”- da ”Virzuine ”- vändoidenke .Lapsile tuli mel’he väta uzihe vändoihe .Vastusen lopus kaik joiba čajud vepsläižes honuses da tegiba fotoid muštoks .
Školas vepsän kelen urokal lapsed tegiba temkirjutesid neniden vastusiden polhe .Nügüd’ om sel’ged , miše heile oma mel’he mugomad vastused .Lapsil om sur’ toiv vastatas udes mugomiden lahjakahiden ristituidenke !
Lämäd vastused redukus
Veps
New written Veps