Texts

Return to list | edit | delete | history | ? Help

Ukko da akka

Corpus: New-writing language

New written Tver, Texts for children

Source: Boris Sergunenkov

Ukko da akka
(Karelian Proper)

Eli ukko yksinäh.

Kerran läksi hiän jarmankalla, ošti kanua, da lizävökši ošti revon, štobi kanoilla ei lienisʼ igävä.


Tuli kodih, dai šalbai kaikki yhteh kodah.


Yöllä rebo kaikki kanat revitti.


Ukolla lieni žuali rebuo, läksi hiän eččimäh revolla puarua.


Toi hukan.
Hukka revon revitti.

Ukko šuurešša tuškašša: – Ka kummat, häviey hukka yksinäh.


Kedä hänellä puarah ottua?


Toi kondien.


Kondie hukan revitti.


Midä täššä ruadua?


Missä kondiella puarua löydiä?


Toi ukko akan.


Šiändy akka kondien piällä, ando koukulla oččua vaškondie i kuoli.


Midä ruadua?


Rubei ukko eččimäh, kedä akalla puarakši tuuva.


Ečči, ečči da nikedä ei löydän: lieni iččiellä akanke eliä.