Texts
Return to list | edit | delete | Create a new | history | Statistics | ? Help
Švecova Darja . ”Vepsän vezad”-sebran Pikkujoulu
Švecova Darja
”Vepsän vezad”-sebran Pikkujoulu
Veps
New written Veps
Tal’vkun
4.päiväl ”Vepsän vezad ”sebr pidi Pikkujoulu-vastusen Petroskoin universitetan üläopenikoiden täht .Kaik vastusen adivod voiba ühtneda mastar’-klassaha , ozutada ičeze mahtoid da tedoid konkursoiš i arboida tulijaks vodeks .
Zavodida tehta midä-se üksnäze om ani jüged azj .Kaiken om hüvä , konz ristituil om ühtejiččid melid , konz hö abutaba da tugedaba toine tošt udes azjas .”Vepsän vezad ” om norišton sebr , mitte om sündnu jo amu . 2003. vodel vepsläižed aktivižed mehed pätiba tehta uden sebran norišton täht , miše nored vepsläižed voižiba keratas ühthe , pagišta toine toiženke da meletada , midä hö voiba tehta vepsän rahvahan hüvüdeks .
Äjak-se vot ”Vepsän vezad ” -sebr ei radand , siš ei olend uzid ühtnikoid da uzid melid .Vaiše 2018 vodel , konz oli küzund – midä tehta sebrale edemba , pättihe udessündutada se da kucta sebraha Petroskoin universitetan üläopenikoid , kudambad opendaba vepsän kel’t .Muloi ”Vep sän vezad ”-sebraha tuliba uded ühtnikad , aktivižed mehed da lahjakahad ristitud .Heiden keskes om Maria Košeleva , Tatjana Martjanova , Jelizaveta Makarova da Gleb Fomin .Nügüd’ hö oma ”Vepsän vezad ”-sebran päradjoukus .Kaik nene ristitud opendasoiš vai radaba Baltianmeren-suomalaižiden keliden kafedral .
Voden lopus kafedran suomen kelen opendajad paksus pidäba Pikkujoulu-praznikad , s ikš ku Suomes ristitud vasttaba Raštvoid 25.tal’vkud .Nenil Pikkujoulu-vastusil openikad enamba tedištaba suomalaižiden kul’turas , mujaba tradicionaližid sömižid , kundleba da pajataba pajoid suomen kelel .
”Vepsän vezad ”-sebran ühtnikoile tuli pähä idei tundištoitta ristituid vepsän Raštvoidenke , starinoita openikoile , konz vepsläižil Raštvad oma , miččed verod oliba ende , a miččed völ oma kaičenus nügüd’-ki . Tal’vkun augotišes ”Vepsän vezad ”-sebr pidi Pikkujoulu-vastusen Baltianmerensuomalaižiden keliden kafedran üläopenikoiden täht .Kaik vastusen adivod ühtniba mastar’-klassaha , ozutiba ičeze mahtoid da tedoid konkursoiš i arboiba tulij aks vodeks .Mastar’-klassal kaikutte tahtnik voi tehta vepsläižen tätüižen-kaičij an .Täl kerdal nece oli tätüineangel , miččen voib riputada Uden voden kuzehe .Tätüižen tegend om ani kebn azj , sikš kaik ristitud voiba teravas tehta sen .Sid’ kaikid varastiba melentartuižed küzundad Raštvoiden polhe vepsläižil da ozoitesed .
Ristituile kaiken om melentartušt tedištada , midä varastab heid tulij as aigas .Ende Sünduman aigan veps läižed arboiba i tegiba necidä erazvuiččil mahtoil .Nügüdlaižile ristituile mugažo om mel’he tedištada , kut vepsläižed arboiba ende da napriba tehta necidä iče .Pikkujoulu-vastusel oli kuldaine šaug , kus oli peitud erazvuiččed kalud arboidan täht .Kaikutte adivoišpäi oti šauguspäi kalun i kundli , midä varastada tulij al vodel .
Vepsläižed oma ani adivoičetajad .Tradicij an mödhe adivoid kaiken pidi jotta čajul da sötta pirgoil .Ku emägad paštoiba magedoid pirgoid , üks’ niišpäi kaiken aigan oli solanke .Nece oli ozapirg – ken söi necen pirgan , ka se ristit linneb ozakahan .Mugoine-žo arboind oli Pikkujoulu-vastusel .Vepsläižed magedad pirgad tuliba mel’he kaikile , a ozakaz ristit löuzi ičeze pirgan .Pikkujoulu oli ezmäine , no lujas tärged ”Vepsän vezad ”- sebran vastuz .Edel om jo äi melentartuižid azjtegoid da vastusid .”Vepsän vezad ”- sebr varastab uzid ühtnikoid i kucub sebraha kaikid , ken navedib vepsän kul’turad da kel’t , kelle om mel’he midä-se tehta vepsän rahvahan täht .
”Vepsän vezad”-sebran Pikkujoulu
Veps
New written Veps