Texts

Return to list | edit | delete | history | ? Help

Ümbrišton ministroiden vastuz

Corpus: New-writing language

New written Veps, Journalistic texts

Source: Darja Švecova, Kodima. № 3, (2020), p. 3

Ümbrišton ministroiden vastuz
(Veps)

Londuz nece om meiden kodi. Mec, vezi, makaik nece om meiden ümbrišt, mittušt nügüd’ pidab kaita. Ilʼmišton vajehtuz, murdod, kividen da toižiden man tarbhaižiden kaivatesiden samine lujas painastaba Man ümbrišton oloihe da meiden eloho tulij as aigas. Maiden pämehed, tedomehed da radnikad ühtenzoitaba vägid, miše ühtes meletada ümbrišton oloiš. Sen täht kaikjal om tehtud ičeze nevondištod da radgruppad, miččed napriba pätta problemoid da abutada ristituile kaita londusen kal’hut.

Igähižed rahvahad kaiken igän eliba kožmuses londusenke, sikš tedaba, mikš om tärged abutada kaita sidä. Koume igähišt rahvast: vepsläižed, saamelaižed da nencadvoiba ühtneda Barenсan Evro- Arktižen nevondišton tarbhaižiden küzundoiden pätandaha, sanuda ičeze mel’pidod radgruppoiden vastusil. Heil om ani tärged a Ümbrišton radgruppaski. Gruppan ühtnikad kaiken kuleba, mitte mel’pido om igähižil rahvahil, midä voiba sanuda da nevoda, a igähižed rahvahad mugoižil vastusil enamba tedištaba ičeze oiktusiden polhe.
4.-5. vilukud Švecias, Luleo-lidnas, oli tehtud tärged azjtego. Nenil päivil mäni Barencan regionan Ümbrišton ministroiden vastuz. Vastusele tuliba ministrad nelläs maspäiŠveciaspäi, Suomespäi, Norvegiaspäi da Venämalpäi. Venäman polespäi tuliba Ümbrišton ministrad Petroskoišpäi, Arhangel’skaspäi, Murmanskaspäi da Moskvaspäi. Täl vodel vepsläižil oli voimuz olda necil vastusel. Minä, necen kirjutesen tegii, olin sil Barencan regionan Igähižiden rahvahiden ezitajan. Olen korktad mel’t ezineda vepsän rahvast mugoižel sur’znamasižel vastusel.
Täl vodel Ümbrišton radgruppan päohjandajaks tegihe Suomi. Švecian Ümbrišton ministerstvan ezitajad andoiba necidä tärktan radsij an suomalaižile ühtesradnikoile da toivotiba heile uzid satusid neciš jügedas rados. Suomi, kut uz’ radgruppan ohjandai, starinoiči kaikile ičeze planoiš kahteks vodeks.
Om hüvä, miše igähižil rahvahil om voimuz ühtneda Barencan Evro-Arktižen nevondišton radho. Vaiše ühthižrad voib abutada pätta surid problemoid da paremboita ümbrišton kaičendad.
Ministroiden vastusen ühtnikad starinoičiba ičeze projektoiš, miččed om jo tehtud heiden maiš. Kaks’ päiväd vastusen ühtnikad radoiba da pagižiba azjoiš, miččed oma ani tärktad kaikiden rahvahiden da kaiken mail’man täht.