Texts
Return to list | edit | delete | Create a new | history | Statistics | ? Help
Ol'ga Mironova. Sport ühtenzoitab
Ol'ga Mironova
Sport ühtenzoitab
Veps
New written Veps
Kalagen keskškolas 14.päi
väl uhokud mäni suks’ - voibištelend Anna Lisicinan muštoks i Vägestusen 75-voč čeks päiväks .Nece om vanh hüvä tradicii , mitte eläb meiden školas .Se sündui völ siloi , konz Kalages radoi ORD (Onežskoje rudoupravlenije ).Mö olem ihastusiš nähta kaikid , ked tuleba necil päiväl mij ale .
Necil vodel mö kucuim kaikid openikoid i vanhembid Änižröunan susedkülišpäi .Mij ale adivoihe tuliba lapsed Šoutjärvespäi , Šokšuspäi , Zaozerje - i Kvarcitnii-külišpäi .Kaikid penemb ühtnik oli prihaine Šoutjärven lapsiden päivkodišpäi – Kirill Repolačov .A Valentina Petrovna Ščerbakova i Vladimir Andrejevič Vegelin Kalagespäi oma necen tradicij an todesižed kaičij ad .Jo äi vot hö ühtneba suks’voibištelendaha , lujas navediba sportad i arvostaba külän tradicij oid .
Ezmäi kaik suks’ voibište lendan ühtnikad kerazihe školas .Sigä proidui praznikkogomuz , kus lapsed starinoičiba Anna Mihailovna Lisicinan polhe .Jäl’ges necidä lapsiden grupp opendajidenke läksi Anna Lisicinan muštpachannoks panemaha änikvencan .
Suks’voibištelend mäni sil-žo sij as , mecas , kut tobjimalaz-ki .Sä oli läm’ , kaikil oli hüvä mel’ .Pidab sanuda , miše mugoižed azjtegod ühtenzoitaba lapsid i vanhembid , openikoid i opendajid , andaba hüväd mel’t .
Konz voibištelend lopihe .Kaikid söttihe longil i magukahil kalitoil .Jäl’ges oli pauklahjoičend .Täuduližed ühtnikad saiba ičeze diplomid i medalid .
Praznik tuli lujas hüvä .Mö ülendamoiš meiden külän eläjan , rohktan neiččen , partizanan Anna Lisicinan urohontegol .Mö muštam kaikid , ked vojuiba kaites meiden mad vihanikoišpäi Suren Voinan aigan .
Valentina Petrovna Ščerbakova jagoihe ičeze meletusil praznikan polhe : ”Kaikuččen voden ühtnen sportvoibištelendaha , mitte om omištadud Anna Lisicinan sündundpäiväle , eskai siš aigaspäi , konz radoin ORDos .Praznik tuli lujas čoma .Suks’lad oli hüvä , kacmata vajehtuseližehe säha .Školan kollektiv vastsi kai kid ühtnikoid lämäs .Mindai kaiken kuctas školha erazvuič čile azjtegoile i praznikoile .Sur’ spasib školan pämehele i kaikele opendajiden kollektivale ”.
Sport ühtenzoitab
Veps
New written Veps