Texts
Return to list | edit | delete | Create a new | history | Statistics | ? Help
Svetlana Pl'uhina. Kaikid azjoid tegeb oikti
Svetlana Pl'uhina
Kaikid azjoid tegeb oikti
Veps
New written Veps
Svetlana
Pas’ukovad minä tunden amussai .Hüvin muštan , konz vodel 1988 Petroskoiš oli sur’ vepsän rahvahan konferencii .Meiden vepslӓižed pӓmehed zavodiba udessündutada ičemoi kodikel’t da kul’turad .
Muštan , mӧ sebranikoidenke ištuim zalas , tehtihe lebuaig .Meidennoks tuli nor’ , čoma , hoikeine naine .Hän zavodi pagišta meidenke , küzeli elon polhe .Minä siloi čududelimoi , miše mӧ em tekoi hӓndast , a hӓn kutnӓ ičemoi ristit tuli meidennoks .Meletin , mitte hüvӓsüdäimeline , laskav om nece naine .A jӓl’ges jo minä tedištin , miše nece pagižlii ristit oli Svetlana Petrovna Pas’ukova .A tundištin Svetlanad , konz minun poig lӓksi Suomalaižugrilaižhe školha opendamha ičemoi vepsӓn kel’t .
Siloi Svetlana Petrovna radoi Rahvahaližen politikan komitetas pӓspecialistan .Se aig , muštan , oli hüvӓ , čoma , melentartuine .Siš aigaspӓi mӧ ühtes holduim kodikelen da ezitatoiden juriden kaičendas , tegim äjan tegoazjoid i abutim toine toižele .
Svetlana Petrovna oti meid , sebranikoid , hodhu , i mö tegimoiš hänen abunikoikš (nügude sanudas volont’oroikš ).
A azjoid siloi oli äi , tuli aig udessündutada ičemoi vepsӓn kel’t da kul’turad .Minä hüvin muštan , kut mӧ , Vepsӓn kul’tursebran aktivistad , Rahvahaližen politikan komitet da pӓmehed , ühtes naprim tehta kaiken vepsän kelen da kul’turan kaičendan tӓht .Olim tehnuded ӓi azjoid , miččihe ühtniba lapsed : vepsӓn kelen tundij oiden konkursoid da kanzkonkursoid , olimpiadoid da konkursoid toponimišton mödhe , hüvid ehtoid , erazvuiččid praznikoid .
Vepsӓn kelen konkursoile tuleskeliba lapsed kaikiš školišpӓi , miččiš opetihe vepsӓn kel’t : Karjalan Vepsӓn rahvahaližes volostišpӓi , Piterin da Vologdan agjoišpӓi .Mӧ , aktivistad , olim vaumhed vastata openikoid opendajidenke .Heid pidi vastata i satta azjsij ale (mö olim kuratoroin ).
Pӓivӓl openikad oliba konkursal .Heile pidi ozutada , kut hӧ el’gendaba da mahtaba pagišta vepsӓks .Jӓl’ges konkursad , ehtkoižel , lapsiden täht oli tehtud ilotuzprogramm .Mӧ veim heid muzejaha , teatraha spektaklile .Edel ku veda lapsid spektaklile , Svetlana Petrovna ezmäi iče kacui necen spektaklin , miše el’geta , linneb-ik nece spektakl’ melentartušt lapsile .
Minä meletan , miše nene vastused ӓjan andoiba lapsile .Hӧ löuziba uzid sebranikoid , vajehtihe mahtištol , saiba uzid tedoid .
Svetlana abuti äjile školiden pӓstnikoile , kudambad läksiba opendamhas Venӓman , Vengrian da Estonian korgedškolihe .Svetlana neche radho pani kaiken vӓgen i hengen .Muštan völ , ved’ pästnikoid tarbiž oli kerata ühthe , a kut kerata ?Vaiše soitta .A kuspäi soitta ?Ei ole kuspäi i rahoid ei ole .A siloi Komitetan pӓmehen oli Jevgenii Šorohov , ka hän pästli meid ičeze kabinetha i kӓski soitta kelle tarbiž i äjak tarbiž .
Minä voin johtutada i sanuda äi hüvid sanoid Svetlanan polhe .Svetlana om tegomez’ , hӓn ӓjan radab , a rata Svetlana navedib .Andab radoho kaiken hengen i melen .
Svetlana Petrovna om kaiken vaumiž tartta udehe tegoradho , kaikid azjoid tegeb oikti .Hӓn tedab , kut voib paremba libutada da kaita kodikel’t .Ved’ Svetlana om tark da holev ristit i radab iceze rahvahan hüvüdeks .
Nügüd’ Svetlana om pensij al , no hӓn ei ištu kodiš .Hӓn kaiken om rahvahan keskes .Hӓnele paksus soitaba vepslӓižed küzundoidenke , i hӓn andab vastusid küzundoihe .Kaiken abutab ristituile , navedib pagišta heiden elos da ozas .Paneb vägen i hengen tedoazjoihe , tegeb suren radon Vepsӓn kul’tursebras .
Tabal Svetlana om pehmed , hüvӓsüdӓimeline , melekaz , aktivine , azjakaz da lujas uskoline ristit .Svetlana Petrovna om todesine vepslӓine .Hän ei unohta aktivistoid-ki , kaiken sanub aktivistoile lӓmid kitändsanoid .Kaiken elon holdub lapsiš da vunukoiš .Toivotan hänele vahvad tervhut , ozad da armastust , kaiked hüvӓd , pitkӓd igäd .Kaiken ole noren henges i aktivižen naižen !
Kaikid azjoid tegeb oikti
Veps
New written Veps