Texts
Return to review | Return to list
Ende ur’adnikke oli Priäžäs
history
June 04, 2020 in 15:31 Нина Шибанова
- changed the corpus
from 2
to 1
June 01, 2020 in 16:19 Нина Шибанова
- created the text
- created the text translation
- created the text: – A kembo oli sigä ur’adnikannu, Priäžäz oli? Ur’adnikannu oli (minä vähäižel muštan) moin oli pitke, bašlikuois käveli d’äreirožamužikk. Oli häi Priäžäz, oli Matvei Mihalič, vai entiä kui kirguttih, vot sem muštan. Meiden tatilloh ainos kävüi se Matfei Mihalič. Vot sem muštan sen Priäžäs. A siid d’o d’älgele kačo meiden tati kuoli, siid oli entiä sil em mušta. Ei tobd’aine miez olnu, hoikke roža oli. A se Matfei Mihalič ainos meile kävüi tatilloh, siid minä muštan vähäižel. Oli ku, nu, n’eičükke ka d’o pondomah, tulou piäh siiten. Oli se kävüi Priäžäzpiäi Matfei Mihalič - Matfei Мihaličaks. Siit tulou kui nügü, mugai siit süötetäh, d’uotetah kai. Pagišta ühtes. Sii häi sigä midä sanou, andau ukazan’ait. Provoditah, lähtöu, muud ni midä. Sih d’iät sockuoi. Vot kui ende elettih. – Kous sigä toratah siid häi...? Ka siid i sinnä hüö, sanou gd’e neččinä pogostale, sigä toratah libo midä siiten, pogoste sinne soopščil. Neččih, vid’ ende ej olnu nenit tilifonid da kai raadivuoi, siid d’o pidi narošnuoi tüötä hebol, narošnuoi ajeli. Ei terväh mouže proidii kuut kaks-kolme, kuni soopščitah da kous tulou ur’adnikke. Ei nengomid ni čuudoluoid n’ olnu kui nügü. A sigä mouže, toratah da kai ka kiere pruaznikas vuozi libo mi siid vai, ei, nügü kuj on. Vot mugai elettihgi.