Texts

Return to review | Return to list

Tipani ta päiväni

history

October 14, 2021 in 19:19 Nataly Krizhanovsky

• changed the author of the source
  from Maikki Remšujeva
  to

June 23, 2020 in 16:29 Нина Шибанова

• created the text
• created the text: Oli ennein muajilmašša pieni tiijonhimoni tipani. Muamo šano häntä Päiväsekši. – Mamma, mintähpä šie šanot milma Päiväsekši? aina kyšeli tipani. – Smietipä iče, lapšeni, šano Kana-muamo. Tipani rupei smiettimäh. Hiän mäni pihalla, kačahti päiväseh ta šano: – Višših muamo šanou milma Päiväsekši šentäh, kun mie olen kaikista keltasin. No šamašša tipani näki voikukan: – Ei, voikukka on milma keltasempi. A moušot šentäh, kun mie olen niin lämmin? Tipani mäni šuureh taloh. Kiukuašša palo tuli. – Ei-jeh! Tuli on milma lämpimämpi. Tipani myöšty pihalla ta tuaš kaččo päiväistä. Še oli jo ihan toisešša paikašša. – No tottaš šentäh, kun mie olen kaikista poikkoin? piätti hiän ta läksi juokšomah täyttä vauhtie. Ka häneštä kyličči juoksi koiranpentu. – Ei, koiranpentu on milma poikkoimpi! Pilvi peitti päiväsen. Šiitä pilvi mäni ielläh, a päiväni hiivo omua tietäh. – Moušot mie olen Päiväni šentäh, kun šuatan lentyä korkiella? Tipani alko täyttä voimua räpyttyä šiipisillä ta lennähti, ka šamašša tipahti muah. A korkiella taivahašša liijeltih piäčkyset. – Piäčkyset lennelläh korkiemmalla. Illalla tipani pitälti kaččo iltaruškuo. Hiän ei voinun kekšie, mintäh mamma šanou häntä Päiväsekši. Toisena huomenekšena tipani havaččeutu, a päiväni vašta nousi taivahanrannan takuata. Šen šäje kut’kutti Kana-muamuo. Kana-muamo avasi šilmäh ta muhahti. – Mamma, mie arvasin, arvasin! karjahti tipani. – Nyt tiijän, mintäh šie šanot milma Päiväsekši! Šentäh, kun mie noušen kaikkie aikasempah ta šie miula muhit! – No tietyšti, armahaiseni, šano muamo, šepäsi poikaistah ta muhahti hyvilläh.