Texts
Return to list | edit | delete | Create a new | history | Statistics | ? Help
Švecova Darja . Vepsän runotusen marafon
Švecova Darja
Vepsän runotusen marafon
Veps
New written Veps
Sanutas
, miše kaik runoilijad oma taivhaližed ristitud .Löuta tarbhašt sanad , miše kosketada ristitun henged , avaita toižile ičeze melid , abutada löuta südäimes vastusid kaikihe küzundoihe ...voib olda , nece om todesižen runoilij an tegend .Kaiken om melentartušt enamba tedištada armhan runoilij an polhe da küzuda , kuspäi tuleba runoilij an pähä nene čomad sanad da kuvaližed virkehed .Sikš vastuz runoilij anke kaiken om sur’ lahj lugij oiden täht .
Runotusen päiväl , mitte kaikes mirus praznuitas 21.päiväl keväz’kud , vepsän Paginkluban ühtnikoil oli hüvä voimuz tundištadas vepsläižen kirjutajanke da runoilij anke – Oleg Mošnikovanke .Hän om Venäman kirjutajiden sebran ühtnik da Karjalan man arvostadud kul’turan radnik .Vepsläižiden täht Oleg Mošnikov om tetab vepsläine kirjutai da runoilii , kudamb kirjutab venäks .Oleg Mošnikovan jured oma vepsläižed .Iče Oleg om sündnu Petroskoihe , no laps’aigas äi aigad mäneti ičeze vepsläižen prababanke Praskovja Ušakovanke vepsläižes Šokš-küläs .Oleg paksus starinoičeb , kut Pašoi-baboi openzi pen’t prihašt navedimha vepsän kel’t da vepsän rahvahan tradicij oid .Necidä aigad Oleg muštab lujas hüvin nügüd’-ki da kävutab ičeze sädairados .Oleg Mošnikov zavodi kirjutada runoid völ školas .Hän lujas tahtoi olda kosmonavtan da lämoinsambutajan , sikš ezmäine-ki runo oli marsianoiden polhe .Tämbei Oleg Mošnikovan runoiš om armastuz ičeze jurihe da ezitatoihe .Händast tetas kut Karjalas , muga sen irdpolel-ki .
Runotusen päiväl Rahvahaližes kul’turkeskuses oli tehtud todesine vepsän runotusen marafon .Paginkluban vastusel Oleg Mošnikov lugi runoid , prozad da ozuti pajoid , miččed om tehtud hänen runotekstoihe .Kaik vastusen adivod abutiba runoilij ale lugeda hänen starinoid vepsän kelel , miččed om kändnu Irina Sotnikova .
Oleg Mošnikov iče kirjutab runoid da prozad da völ tegeb toižiden runoilij oiden čomid kändmižid .Oleg om kändnu äjiden vepsläižiden runoilij oiden runoid vepsän kelespäi venän kel’he .Vepsläižed varastaba Oleg Mošnikovan ut kirjad , miččen nimi om ”Seičeme koivud ”.Kirjaha om keratud seičemen vepsläižen runoilij an runod da niiden kändmižed venän kel’he .Paginkluban vastusel kuluiba erased vepsläižiden runoilijoiden čomad runod .Niiden keskes om Ol’ga Žukovan , Alevtina Andrejevan , Mihail Bašninan da Galina Baburovan runoid .
Vastusen tegij oile tuli pähä idei kucta ristituid ühtnemaha Vepsän runotusen marafonaha i Runotusen päiväks Paginkluban vedäi Larisa Čirkova tegi videod , kus ristitud lugeba čomid runoid vepsän kelel .
Venänkeližid kändmižid lugeb niiden tegii Oleg Mošnikov .Muga Oleg andab voimusen ristituile , ked ei pagiškoi vepsäks , tundištadas vepsläižiden runoilij oidenke da heiden runotusenke venän kelel .Vepsän runotuz ühtenzoiti rahvast necil päiväl .Ristitud erazvuiččiš maišpäi ühtes lugiba vepsläižiden runoilij oiden runoid da ozutiba ičeze armastust penen rahvahan kul’turaha .
Vepsän runotusen marafon
Veps
New written Veps