Texts
Return to list | edit | delete | Create a new | history | Statistics | ? Help
Irina Sotnikova. Ö Šoutjärven muzejas
Irina Sotnikova
Ö Šoutjärven muzejas
Veps
New written Veps
”Muzejiden
ö” om jogavozne kaikenvenäman akcii , mitte mäneb semendkus . Nece kul’turan azjtego om hüvä voimuz ristituiden täht , miše tedištada uzid melentartuižid faktoid , tedoid , a muzejiden täht – kingitada kävujiden homaičust muzejan eksponatoihe , keradamištoihe , istorij aha i kul’turaha .
Vepsän Šoutjärven etnografi ne muzei ühtneb neche akcij aha kaikuččen voden .Muzejan radnikad vaumičeba melentartuižen programman lapsiden i aigvoččiden täht .Tehtas ekskursij oid , kvestoid , mastar’-klassoid , eskai radab lava , kus kaikutte tahtnik voib ozutada ičeze mastarut karguiš , pajoiš vai miš-se toižes .
– Necil kerdal mö vaumičim programman kodiš . A ved’ kodiš ei ole tarbhašt literaturad , muzejan resursoid – vanhoid fotoid vai videoid , miččid mö voižim kävutada .Sikš oli jügedahk rata , – sanub Šoutjärven muzejan radnik Jevgenii Fotejev .
Kacmata kaikihe jügedusihe , tuli melentartuine programm , kacujad hüviš meliš ühtniba online-tegendoihe .Muzejan radnik L’ubov’ Anatoljevna Ivanova tegi čoman fi l’man Mägi-külän polhe .Hän starinoiči küläs , ičeze jüriš , ozuti melentartuižid sij oid .Tuli todesine tundištoituzmatk Mägedme .Fil’mas oli tegendoid kacujiden täht – pidi antta oiktoid vastusid küzundoihe .Vägestajad saiba lahjoid .
Kaikuččel kalul om mitte-se istorii , voib olda , nece om muštlahj i se johtutab ristitus , kudamb om lujas kalliž sinei .Muzejan radnikad taričiba kacujile tehta video vai foto starinanke mugoižes kalus .Muga kaikutte ristit voi jagadas ičeze kanzan istorij anke i rižada ičtaze muzejan radnikan .
Muzejan radnikad tegiba videolahjan lapsiden-ki täht .Hö vaumičiba melentartuižen nügüdläižen sarnan .Kactes sarnad lapsed voiba opeta sanoid-ki vepsän kelel .
”Muzejiden ö”-akcij ad navediba äjad . Om žal’ , miše necil vodel mö em voinugoi vastatas meiden armhas muzejas .No nece-ki ei telustand ristituile ühtneda akcij aha i sada hüväd mel’t .Ved’ postoid kacuiba enamba 3000 mest !Pidab sanuda , miše Šoutjärven muzejas radaba aktivižed , hüväsüdäimeližed ristitud , kudambil om äi hüvid idejoid i kudambad lujas navediba ičeze radod i tegeba suren panendan vepsän kul’turan kaičendan täht .Ozad teile !
Ö Šoutjärven muzejas
Veps
New written Veps