Texts

Return to list | edit | delete | history | ? Help

Karjalan čomuz’ runoiš

Corpus: New-writing language

New written Veps, Journalistic texts

Source: Irina Sotnikova, Kodima. № 6, (2020), p. 5

Karjalan čomuz’ runoiš
(Veps)

27. semendkud, Kaikenvenäman kirjištoiden päivän, mäni karjalaižen runotusen praznikLidnas P.”, mitte oli omištadud 100-voččeks Karjalan jubilejaks. Praznikan sädajin oliba Karjalan valdkundan Kirjišton associacii i kirjištod erazvuiččiš Petroskoin lidnanlaptoišpäi. Vepsän kul’tursebr mugažo ühtni neche online-marafonaha.
Karjalas om äi runoilij oid, kudambad kirjutaba runoid erazvuiččil rahvahaližil kelil: karjalan, vepsän, suomen, venän kelil i toižiden rahvahiden kelil. Erased runoilij ad oma tetabad kaikes Karjalas, a ken-se vaiše zavodib kirjutada runoid vai muite navedib lugeda runoid, no kaikid niid ühtenzoitab sur’ armastuz čomaha Karjalaha. Runotusen marafon ühtenzoiti eri-igäižid runoilij oid, literaturkluboiden ühtnikoid Petroskoišpäi, Oloncaspäi, Kondopogaspäi.
Runoid vepsän kelel lugiba Vepsän kul’tursebran ühtnikadRahvahaližen redakcij an radiokorrespondent, ”Kodima-lehtesen toimitai Darja Švecova da Karjalan Rahvahaližen teatran aktrisa Aleksandra Aniskina. Molembad marafonan ühtnikad oma vepsläižed. navediba ičeze kodikel’t i lujas holduba vepsän rahvahan kelen i kul’turan kaičendas da kehitoitandas. Neiččed lugiba Alevtina Andrejevan runoid, miččed starinoičeba Karjalas, sen čomas londuses, armhas Änižes...
Runotusen marafon lopiheRandaine-sebran ezitusel i toi hüväd mel’t kaikile kacujile. nadeimoiš, miše se tegese hüväks tradicij aks meiden Karjalas!