Texts

Return to list | edit | delete | Create a new | history | ? Help

Šykyšy

Corpus: Poems

New written karelian, Literary texts

Source: Arhipova, N., Vuuvven lippahaini : [runot lapsille], (2016), p. 8-9

Šykyšy
(Karelian Proper)

***
Päiväni paistau,
Linnut lauletah.

Lapšet joka päivä
Kouluh aššutah.


***
Ruškiet lehet, keltaset
Ilmašša vain lennelläh.

Muaha tullah hil'l'akkaiseh,
Šiinä talven venytäh.


***
Kaunis lehtimatto
Šajekuušša peitti muan.

Ruttoh lumi kattau
Starinaisen šeuvun miän.


***
Vettä vihmuu päivällä,
Veikot koissa issutah.

Venehet miän rannašša
Viluo šiätä vuotetah.


***
Linnut männäh eteläh:
Kuret, hanhet, šoršat.

Viimeni jo lentäy parvi,
Tottaš toičči tullah.