Texts
Return to list | edit | delete | Create a new | history | Statistics | ? Help
Tatjana Semečkina. Meččäeläimien kilpailu
Tatjana Semečkina
Meččäeläimien kilpailu
Karelian Proper
New written karelian
STARINA
Mie en muissa , olenko mie kuullun tämän starinan , vain onko še šyntyn miun piäššä .Ka miun lapšet tykättih kuunnella šitä .Mie olen kerton šitä monešša variantissa .
Oli še aika , konša mečäneläjät elettih šovušša ta yštävyöššä .Kerran kellä lienöy tuli ajatuš piähä :
– Ka kenpä meistä on kaikkein poikkoin ?
Kilpailijat repo , jänis , orava ta kontie keräyvyttih šatavuotisen kuušen juurilla .Tuomariksi valittih viisaš varis .Tai varis rupesi šanua šanomah :
– Nyt avuamma kilpailut .Ken enšimmäisenä tulou joven šuuhu , missä kašvau taivahanšuuri mänty , še onki kaikkein poikkoin .Vain juoškua jokahini omua tietä !
Niin elukat kapšahuttih juokšuh .Orava hypähti okšalla ta mäni männeššäh , vain ruškie häntä vilahti .Viäräšilmä jänis siksakkina šinne-tänne luikki mečikköh .Kömpelö kontie pötkytti juošša meččäpolkuo , a repo livahti rapeikkoh .
Orava hyppeli okšalta okšah .Meččäeläin ilmotti heimolaisilla , jotta ottau ošua kilpailuh ta jotta kyllä hiän ni on kaikkein poikkoin täššä mečäššä .Šiitä orava näläšty ta pietty , jotta puhaštua ičellä moniehan kuušen kävyn .Kaččou , ka päivä jo iltah laškeutuu .Viuhakašti läksi orava lentelömäh okšalta okšah taivahanšuurta mäntyö kohti .
Jänis niin skokki , jotta etukäpälät häntyäh košettih .Henkähti , kaččeli šinne-tänne ta näki , jotta tuolahan on hyvä heinikkö , kyllä šieltä jäniksellä heinyä löytyy .Jänis šöi täyven pöčön ta mäni varjoh levähtelömäh .Konša elukka havaččeutu , niin päiväni jo iltapuoleh laškeutu .Ohoh kuin jänis hypähti , äkkie šemmosen vauhin otti , jotta vain valkie häntä vilahti .
Kontie še pötkytti juošša kotvan ajan , ka tuli oja polkun poikki .Päivä oli kuuma ta kontie hiešty .Hiän laškeutu ojah ta rupesi tarpoutumah .Ka šielä vielä i kala loiskuu .Kontie pyyti moniehan kalan , piäsi näläštä .Šiitä kaččou : ka päiväni jo puun latvoissa istuu .Kontie nellin käpälin kapšahti juokšuh ojua myöten , vesi vain purhasi .
Kontie še pötkytti juošša kotvan ajan , ka tuli oja polkun poikki .Päivä oli kuuma ta kontie hiešty .Hiän laškeutu ojah ta rupesi tarpoutumah .Ka šielä vielä i kala loiskuu .Kontie pyyti moniehan kalan , piäsi näläštä .Šiitä kaččou : ka päiväni jo puun latvoissa istuu .Kontie nellin käpälin kapšahti juokšuh ojua myöten , vesi vain purhasi .
Varis istu taivahanšuuren männyn latvašša ta kurkisteli šinne-tänne : ketänä elukoista vielä ei näkyn .Hiän laškeutu alemmakši , tuaš kaččeli ympärillä , ka niin ketänä ei ni huomannun .
– Onnakko ekšyttih , vain unohettihko ? ajatteli varis .
Ka kačo šie – ihan yhtä aikua nellän puolen mäntyö läheššyttih kilpailijat .Ei ni löytyn kaikkein poikkoimpua .
Kyšymykšeh : “Mintäh ei löytyn voittajua ?”miun lapšilla oli hyvin monta vaštaušta : “Mečän eläjillä on nellä käpälyä ”, “Kontiella oli kaikkein lyhyt tie ”, “Voittajakši piti tulla oravan ”.
Vain aina hyö tultih yhteh mieleh : “Voitti yštävyš !”
Meččäeläimien kilpailu
Karelian Proper
New written karelian
–
–