Texts

Return to list | edit | delete | Create a new | history | ? Help

Olga Zaharova. Opindaz ubitkua ei rodei

Corpus: New-writing language

New written Ludian,

Source: Oma mua. № 7, (2021), p. 6

Olga Zaharova
Opindaz ubitkua ei rodei
(Ludian)

Minä olen Saveljevan Han’an tytär Ol’oi. Kaiken igän elän Pyhärves. Täsgi školas opastuin, täsgi miehele mänin. Oman ukon ker opastuimme yhtes kluasas. Äi vuotte ruadoin ombelijan, ka nygyygi ombelen. Olen nygyy penzijal, ka yksikai ruadan Etnokul’tuuran keskukses. Ylen äijän suvaičen kazvattai kukkiid, kävydä meččäh, kerätä marjad da gribad. Vie suvaičen käziruadod: iče ombelen sobiid tyttiile. Minun pereh ei ole suuri: Vovoi-ukko da Puavil-poige. Vie on neveske Natoi da kaks’ bunukkad: Han’aine da Vas’aine. Poige perehen ker eläy Piiteris, toiči kävyy meile gostih, a kezäkse tuou bunukad meile Pyhärveh. Kezäl täs on ylen hyvä: voimme d’ärves kezuoil olda libo marjad syödä. Minä ylen äijän suvaičen omad perehed dai kyläd, kus minä elän.