Texts
Return to review
| Return to list
Keviän merkit
history
September 20, 2021 in 16:12
Нина Шибанова
- created the text
- created the text: Konzu tuhukuun sydämes
Pihua myöte myö astummo,
Lumes kiildäjäs päiväzes
Silmii pimeikköh peitämmö,
Iče emmo voi ellendiä,
Midä ymbäri kačommo,–
Keviän armahan tulendua
Peitos merkilöi ečimmö.
Toinah puun ladvat ruskottih?
Toinah lumet kus sulettih?
Toinah jiäpuikot riputah,
Pienil pizaril tiputah,
Iänel hienozel helistäh,
Kevätpajostu soitetah?
Kujot vähäzel mustottih,
Korgiet kivokset alettih,
Pilvet buitegu kebjettih,
Linnut pajoloih livuttih.
Talvi muokkuau vie lähtijes,
Sen myö ammui jo tiijämmö,
Yksisama myös astujes
Keviän merkilöi ečimmö.