Texts
Return to list
| edit | delete | Create a new
| history
| Statistics
| ? Help
Valentina Libertsova.
Keviän merkit
Valentina Libertsova
Keviän merkit
Livvi
New written Livvic
Konzu tuhukuun sydämes
Pihua myöte myö astummo,
Lumes kiildäjäs päiväzes
Silmii pimeikköh peitämmö,
Iče emmo voi ellendiä,
Midä ymbäri kačommo,–
Keviän armahan tulendua
Peitos merkilöi ečimmö.
Toinah puun ladvat ruskottih?
Toinah lumet kus sulettih?
Toinah jiäpuikot riputah,
Pienil pizaril tiputah,
Iänel hienozel helistäh,
Kevätpajostu soitetah?
Kujot vähäzel mustottih,
Korgiet kivokset alettih,
Pilvet buitegu kebjettih,
Linnut pajoloih livuttih.
Talvi muokkuau vie lähtijes,
Sen myö ammui jo tiijämmö,
Yksisama myös astujes
Keviän merkilöi ečimmö.