Texts
Return to list | edit | delete | Create a new | history | Statistics | ? Help
Kuuveš piä
Kuuveš piä
Karelian Proper
New written Tver
1 Kaččokkua
, elgiä andakkua pakkuojazilla rahvahanaigana , ana teidä nähtäisʼ : a kuin ei niin , ei liene palkua tiän Tuatošta , kumbane on taivahašša .
2 A konža šie annat pakkuojazilla , elä lašše kuulovilla , kuin luajitah viižahat rahvahašša i pihoila , ana toizet kiitettäisʼ heidä .
Aminʼ šanon teilä : Otetah oman palkan .
3 A šie , konža annat pakkuojazilla , niin luaji , ana ei tiedäisʼ šiun važamie käzi , min andau oigie .
4 Ana šie annat pakkuojazilla peitošša ; i šiun Tuatto , nähtyö peitošša , makšau šiula šilmissä .
5 I konža kumardelet , elä luaji niin kuin viižahat , hyö rahvahašša i tiešuaroila šeizuosʼsʼa šuvatah kumarrella , ana toizet nähtäisʼ .
Aminʼ šanon teilä , jotto otetah oman palkan .
6 A šie , konža kumardelet , mäne omah aittah , šalbua ovi , i kumardele šiun Tuatolla peitošša ; i šiun Tuatto , nähtyö šilma peitošša , makšau šiula šilmissä .
7 Kumarrellešša elgiä liigua paiskua , kuin vierottomat ; hyö mieleššä pietäh , jotto äijän pagizennan täh Jumala kuuluštau .
8 Elgiä olgua muozet ; tiedäy tiän Tuatto , mida teilä pidäy , iellä tiän pakkuondua .
9 Niin työ kumarrellešša lugiekkua : Tuatto miän , kumbane olet taivahašša , ana hyvittiäčöy nimi šiun ;
10 Ana tulou šiun kuningahuš ; ana on šiun vällä kuin taivahašša i mualla .
11 Hengenpideiksi leibiä anna meilä aino ;
12 I jätä meilä miän vellat , kuin i myö jättälemmä miän velganiekoila ;
13 I elä meidä šuata vaivah , a piäššä meidä pahašta ; Šiun on kuningahuš , i vägi i kaunehuš iinigäh , aminʼ .
14 Kuin jättälettä inehmizilla hiän viärykšet , jättäy i teilä tiän taivahalline Tuatto ;
15 A kuin että jättäle inehmizillä hiän viärykšie , i tiän Tuatto ei jätä teilä tiän viärykšie .
16 A konža pyhitättä , elgiä olgua kuin viižahat tuškeudunuot ; hyö muššennetah omie nägölöjä , ana toizet nähtäisʼ heidä pyhittämäššä .
Aminʼ šanon teilä : Otetah oman palkan .
17 A šie , pyhittiässä , voija omaš piäš i peže omat nävöt ,
18 Ana toizet ei nähtäisʼ šilma pyhittämäššä , i vain peitošša šiun Tuatto ; i šiun Tuatto , nähtyö peitošša , makšau šiula šilmissä .
19 Elgiä šiäštäkkiä ičen täh eluo mualla , missä mado i rietta šyöy , i missä varraštajat kaivetah i viijäh ;
20 A šiäštäkkiä ičen täh eluo taivahašša , missä eigo mado , eigo rietta šyö , i missä eigo varraštajat kaiveta i viijä ;
21 Missä on tiän elo , šielä liey ey i tiän hengi .
22 Hibienvalgie on šilmä ; kuin šilmä šiun liey ey puhaš , kaikki šiun hibie liey valgie ;
23 A kuin šiun šilmä liey paha , kaikki šiun hibie liey pimie .
Kuin valgie , mi on šiuša , on pimie , že midä enämmäldi pimie .
24 Niken ei voi kahta izändiä kuunnella : yhtä rubieu šuvaččomah , a toista ei ; yhtä rubieu pidäliečömäh , a toista algau vuardua .
Että voi Jumalua kuunnella i mamonua .
25 Žentäh šanon teilä : Elgiä huoluštaliečekkua tiän hengen täh , midä šyyvä i midä juuva , eigo tiän hibien täh , midä piällä panna .
Eigo hengi šuurembi ole šyömistä , a hibie vuattieda ?
26 Kačahtakkua lendäjien lindulojen piällä : hyö eigo kylvetä , eigo leikata , eigo aittoih kerätä ; i tiän taivahalline Tuatto šyöttäy heidä .
Ettägo työ ole äijiä paremmat heidä ?
27 I ken teistä huolova , huolovana ollešša , voit omalla kažvolla yhen vuakšan lizätä ?
28 I vuattieh nähä midä piettä huolda ?
Kaččokkua peldokukkie , kuin hyö kažvetah : ei hyö luajita , eigo kezrätä .
29 I šanon teilä : I Solomona kaikešša omašša kaunehuošša eulun šuoriečen , kuin näistä jogo kukkane .
30 I kuin peldoheinästä , kumbane nyt vihottau , a huomena kiuguah panuočou , Jumala niin vuatiččou , eigo äijiä enämmäldi teidä , vähävierollizet ?
31 Niin elgiä huolešša paiskua : Midä rubiemma šyömäh , midä juomah , i min piällä panemma ?
32 Kaikkie näidä vierottomat ečitäh ; tiedäy tiän taivahalline Tuatto , kaikkie näidä pidäy teilä .
33 Eččikkiä työ iellä Jumalan kuningahušta i hänen totta , i nämä kaikki teilä lietäh .
34 Elgiä huoluštaliečekkua huomenellizen päivän täh , huomenelline iče huolda pidäy : jogo päivällä on oma huoli .
Kuuveš piä
Karelian Proper
New written Tver
10
12
13
15
18
20
21
23