Texts
Return to list | edit | delete | Create a new | history | Statistics | ? Help
Kolmaštoistakymmeneš piä (Kolmaštoista piä)
Kolmaštoistakymmeneš piä (Kolmaštoista piä)
Karelian Proper
New written Tver
1 Šinä
päivänä , lähtehyö Iisus talošta , istu meren rannalla .
2 I keräydy hänen luo äijä rahvašta , äššen pidi hänellä männä veneheže , i istuočie , a kaikki rahvaš šeizo meren rannalla .
3 I pagizi heilä äijän arvauttamizeh :
4 Ka läksi kylväjä kylvämäh ; i kylviässä muuvennet jyvät langettih tiedä vaš , i tuldih linnut , i hiät n’okittih .
5 Muuvennet langettih kiviruoppahilla , kumbazien piällä vähä oli muada , i terväh hyö nouštih , žentäh euldu muašša šyväh .
6 Päiväzen nouštuo , hyö kellissyttih , i kuin euldu juurdunuot , kuivettih .
7 Muuvennet langettih tuhjoh , i kažvo tuhjo , i hiät katto .
8 A muuvennet langettih hyvällä mualla , i kažvettih lizävön kera : kumbane toi šuan , kumbane kuužikymmendä , kumbane kolmekymmendä .
9 Kellä ollah korvat kuulla , kuulgah .
10 I lähendiäčehyö , hänen opaššettavat šanottih hänellä : Mintäh šie arvauttamizeh heilä pagizet ?
11 A hiän vaštah heilä šano : Teilä on annettu tiediä taivaškuningahuššan tiedävyö , a heilä eu annettu .
12 Kellä on , šillä anduačou , i liijakši hänellä lienöy ; a kellä eule , i mi on häneštä ottuačou .
13 Žentäh arvauttamizeh heilä pagizen , hyö näheššä ei nähä , kuulešša ei kuulla , eigo malteta .
14 I hiän piällä tuli Isain prorokan šanonda : Kuullešša kuuluššatta , i että rubie maltamah ; i näheššä niättä , i että rubie nägömäh .
15 Koveni näijien inehmizien šiämi , i korvilla jygieldi kuullah , i šilmät omat ummisse ttih , kuin ei šilmillä midä nähä , i korvilla kuulla , i šiämellä maltua , i kuin kiändiäčetäh , i hiät tervehytän .
16 A tiän ožakkahat ollah šilmät , hyö nähäh , i tiän korvat , hyö kuullah .
17 Amin’ šanon teilä : Äijät prorokat i Jumalan varajijat ylen tahottih nähä , midä työ niättä , i ei nähty , i kuulla , midä kuuletta , i ei kuuldu .
18 Työ otattakkua arvauttamine kylväjäh nähä :
19 Jogohizelda , ken kuulou Jumalan šanua i ei otata , tulou pahalane i viey , mi oli kylvetty hänen šiämellä : tämä on jyvä tiedä vaš kylvetty .
20 A kiviruoppahilla kylvetty , že on , ken kuulou Jumalan šanua , i ihaštunuona ottau hänen .
21 I kuin eule häneššä juurda , on ei viikonaigane : kuin tulou vaiva , i ajuačenda hänen piällä šanan täh , terväh hylgiäy .
22 A kylvetty tuhjoh , že on , ken kuulou Jumalan šanua , i tämän ijän huoli i elon kaunehuš kattau hänen , i on einehettä .
23 A kylvetty hyvällä mualla , ka mi on , ken kuulou Jumalan šanan , i otattau , kumbane i luadiu lizävön , i tuou muuven šuan , muuven kuužikymmendä , muuven kolmekymmendä .
24 Toizen arvauttamizen šano heilä : Taivaškuningahuš on kuin izändä , kumbane hyvät jyvät kylvi omalla pellolla ;
25 Kuin muattih hänen inehmizet , tuli hänen vihazniekka i kylvi heinän vehnän keškeh i pois’ läksi .
26 Kuin vehnä nouži orahalla i mäni tähkällä , šilloin ožuttih i heinä .
27 Tulduo , hänen inehmizet šanottih hänellä : Herra , etgo hyvät jyvät kylvän šie omallaš pellolla ?
I mistä heinä šyndy häneh ?
28 Hiän šano heilä : Vihazniekka mieš tämän luadi .
A hänen inehmizet šanottih hänellä : Tahotgo , mändyö myö heinän kitemmä ?
29 A hiän šano heilä : Ei , kitkiessä heiniä , kuin että yheššä vehniä nyhtäis’ .
30 Jättäkkiä kažvamah molemmat yheššä leikkavoh šua ; i leikkavon aigana šanon leikkuajilla : Keräkkiä iellä heinä , i šidokkua liyhtehize poltettavakši ; a vehnä keräkkiä miun aittah .
31 Muuvennen arvauttamizen šano heilä : Taivaškuningahuš on kuin kargičan jyvä , kumbazen , ottahuo , inehmine kylvi omalla pellolla .
32 Hiän pienin kaikista jyvistä on , a konža kažvau , šuurin on kaikkie kažvandaheinie , i on kuin puu , äššen lendäjät linnut tulla voijah i istuo hänen okšilla .
33 Muuvennen arvauttamizen šano heilä : Taivaškuningahuš on kuin muijotuš , kumbazen , ottahuo , naine pani jauhoh kolmen vakan verdah , kuni kaikki muigoi .
34 Nämä kaikki Iisus pagizi arvautannalla rahvahalla , i kohaldeh ei paissun heilä ,
35 Ana liey prorokan šanalla , kuin hiän šano : Rubien arvauttamizeh pagizomah ; šanon , mi oli peitetty muailman luajinnašta šua .
36 Šilloin , jättähyö rahvahan , mäni Iisus taloh .
37 I tuldih hänen luo hänen opaššettavat i paistih : Šano šie meilä arvauttamine peldoheinäh nähä .
38 I hiän niin heilä šano : Hyvien jyvien kylväjä on inehmizen poiga ; a peldo on muailma ; a hyvät jyvät ollah kuningahuššan poijat , a heinä ollah ei hyvät poijat ;
39 A vihazniekka , kumbane heinän kylvi , on d’uavoli ; a leikkavo on ijän loppu , a leikkuajat ollah Angelit .
40 Kuin kerätäh heinie , i tulella poltetah , niin liey tämän ijän loppuna .
41 Työndäy inehmizen Poiga omat Angelit , i kerätäh hänen kuningahuošta kaikki pahat i riähkien luadijat ,
42 I luuvah hiät tulizeh kiuguah ; šielä liey itku i hambahilla kridžauttamine .
43 Šilloin oigiet kaunissutah kuin päiväne hiän Tuaton kuningahuošša .
Kellä ollah korvat kuulla , kuulgah .
44 Vielä taivaškuningahuš on kuin uarreh pellolla peitetty , kumbazen , löydähyö , mieš peitti ; i ihaššukšiss a mänöy , kaikki , mi hänellä on , myöy , i oštau žen pellon .
45 Vielä taivaškuningahuš on kuin kauppieš , eččijä kallehie kivilöjä ,
46 Kumbane , löydähyö yhen äijäldi kallehen kiven , mändyö , kaikki möi , mi hänellä oli , i žen ošti .
47 Vielä taivaškuningahuš on kuin nuotta , laškiettu mereh , i kumbazeh kaikenualas’t’a kalua puuttuu ,
48 Kumbane , kuin täydy , randah hänen šuadih , i istuolleh vallittih hyvät kalat ašteih , a pahat pois’ luodih .
49 Niin lienöy ijän loppuna : lähtietäh Angelit i erotetah pahat oigein keššeštä ,
50 I luuvah hiät tulikiuguah : šielä liey itku i hambahilla kridžauttamine .
51 Šano heilä Iisus : Kaikkiego tädä maltatta ?
Hyö šanottih hänellä : Niin , Gospodi !
52 I hiän šano heilä : Tämän täh jogo kirjamieš , opaštunut taivaškuningahuššah , on kuin huolova izändä , kumbane omašta elošta uutta i vanhua kanniksou .
53 I kuin loppi Iisus nämä arvauttamizet , läksi šieldä .
54 I tulduo omah kodih , opašti heidä hiän kanžašša , äššen diivuoliečettih i paistih : Mistä tällä tämänmuone mieli i vägi ?
55 Eigo tämä ole rakendajan poiga ?
Eigo hänen muamuo Muariekši kučutah , i vellet hänen Juakova , i Iose i , i Simona , i Iuda ?
56 I čikot hänen eigo kaikin miän kera eletä ?
Mistä tämä kaikki šai tällä ?
57 I ei uššottu hänellä .
Iisus šano heilä : Kaikkiella prorokkua šuurekši pannah , a vain ei omašša rannašša , i omašša koisa .
58 I ei luadin šielä äijie kummie hiän ei-uššonnan täh .
Kolmaštoistakymmeneš piä (Kolmaštoista piä)
Karelian Proper
New written Tver
4
19
25
35
39
42
46
48
50