Texts
Return to list | edit | delete | Create a new | history | Statistics | ? Help
Kolmattakymmendä kolmaš piä (Kaheškymmeneškolmaš piä)
Kolmattakymmendä kolmaš piä (Kaheškymmeneškolmaš piä)
Karelian Proper
New written Tver
1 Šilloin
Iisus rahvahalla i omilla opaššettavilla niin pagizi :
2 Moisein šijalla istuočettih kirjamiehet da fariseit ;
3 Kaikkie , midä kuin hyö šanotah pidiä , pidäkkiä i luadikkua ; a hiän azeida myöt’ elgiä luadikkua , šanellah hyö , a iče ei luajita .
4 Šivotah hyö jygeidä takkoja , i ei kannettavie , i pannah inehmizien olgupiälöillä ; a iče i šormella omalla ei tahota heidä liikuttua .
5 Kaikki aziet omat luajitah , ana inehmizet heidä nähtäis’ ; äijie kannissah omie opaššandakirjoja , i šuurekši pannah omien vuattein helmoja ;
6 Šuvatah enžimäzinä olla stolašša i enžimäzinä rahvahašša ,
7 I tervehyzie pihoila , i inehmizet kučuttais’ heidä : Opaštaja .
Opaštaja .
8 A työ elgiä nimittiäčekkiä opaštajiksi , yksi on tiän Opaštaja , Hristos , a työ kaikin oletta vellekšet ;
9 I elgiägo tuatokši ičelläne kuččukkua mualla , yksi on tiän Tuatto , kumbane taivahašša .
10 Elgiägo nimittiäčekkiä mielenandajiksi , yksi tiän on mielenandaja , Hristos .
11 Šuurin teisä , ana teidä kuundelou .
12 Ken šuurekši mänöy , tyynistyy ; a ken iččiedä tyynistäy , liey šuuri .
13 Paha teilä , kirjamiehet i fariseit , viižahat , työ šalbualetta taivaškuningahuštua inehmizien ieštä ; työ että mäne , ettägo mänijillä anna männä .
14 Paha teilä , kirjamiehet i fariseit , viižahat , työ leškilöjen kodiloja šyöttä , a rahvahašša pitkie malittuloja luvetta : žentäh teilä liey vielä vaivembi .
15 Paha teilä , kirjamiehet i fariseit , viižahat , työ meren i muan poikki kävelettä , luadie yhtä omakši ; i kuin liey , luajitta häneštä gejennan poijan , pahemman teidä .
16 Paha teilä , šogiet mielenandajat , työ pagizetta : Ken vannuočou kiriköllä , nimikseh on ; a ken vannuočou kirikkökullalla , že viärä on .
17 Hajuttomat i šogiet , mi on šuurembi : kuldago , ali kirikkö , kumbane kullan sv’attiu ?
18 I ken kuin vannuočou oltarilla , nimikseh on ; a ken vannuočou lahjalla annetulla oltarih , že on viärä .
19 Hajuttomat i šogiet , mi on šuurembi : lahjago , ali oltari , kumbane lahjan sv’attiu ?
20 Ken vannuočou oltarilla , vannuočou hänellä i lahjalla ;
21 I ken vannuočou kiriköllä , vannuočou hänellä i häneššä eläjällä ;
22 I vannuočija taivahalla , vannuočou Jumalan šijalla i hänen piällä istujalla .
23 Paha teilä , kirjamiehet i fariseit , viižahat , työ kymmenennen dol’an annatta miatašta , i koprašta , i kiminašta , a jättijä kallehemmat zakonašša : toven i hellimizen , i vieron ; näidä pidi luadie , i niidä ei hyllätä .
24 Šogiet mielenandajat , työ šiäkšilöjä uutatta , a verbl’uudoja lainuotta .
25 Paha teilä , kirjamiehet i fariseit , viižahat , työ piäldäpäin puhaššatta jiädieašteida i purdiloja , a šiämeštä ollah täyvet varraštamis’t’a i valehušta .
26 Šogie farisei , puhašša iellä jiädieaštien i purdilon šiämyštä , ana lietäh i piäldäpäin hyö puhtahat .
27 Paha teilä , kirjamiehet i fariseit , viižahat , työ oletta kuin šomennetut kalmalauvat , kumbazet piäldäpäin kaččuon ollah šomat , a šiämeššä ollah täyvet kuoleijen luuda i kaikenualas’t’a hapatušta .
28 Niin i työ , piäldäpäin ožuttaliečetta inehmizillä hyvänä , a šiämeššä oletta täyvet viižahutta i pahua azieda .
29 Paha teilä , kirjamiehet i fariseit , työ luajitta prorokkojen kalmalaudoja , i šomennatta oigeijen grobniččoja ,
30 I pagizetta : Kuin myö olizimma miän izijen aigoih , emmä hiän kera tartuis’ prorokkojen vereh .
31 Tädä myöt’ iče ičen piällä pagizetta , jotto työ oletta prorokkojen tappajien poijat .
32 I työ luajitta tiän izijen mitalla .
33 Zmejamavot vaškirčan kannetut , kuin työ uijitta tuligejennašta ?
34 Tämän täh ka mie työnnän tiän luo prorokat , mielövät i kirjamiehet ; i työ heistä tapatta i riputatta , i heistä lyöttä tiän kanžoisa i ajatta linnašta linnah ;
35 Ana tulou tiän piällä jogo oigie veri , kuattu mualla , oigien Avelin vereštä Varahein poijan Zaharein vereh šua , kumbazen työ tappoja kirikön i oltarin välillä .
36 Amin’ šanon teilä , kaikki nämä tullah tämän rodukunnan piällä .
37 Ijerusalima , Ijerusalima , prorokkojen tappaja , i kivilöillä šiun luo työnnettylöjen tappaja , min kerdua tahoin kerätä šiun poigie , kuin kana keriäy omie poigie šiibilöin alla , i että tahton .
38 Ka tiän kodi jiäy tyhjä .
39 Šanon mie teilä : Tiäldä šua että milma niä , kuni šanotta : Hyvin paistu olet tulija Jumalan nimeššä .
Kolmattakymmendä kolmaš piä (Kaheškymmeneškolmaš piä)
Karelian Proper
New written Tver
2
3
6
7
9
21
22
30
35