Texts
Return to list | edit | delete | Create a new | history | Statistics | ? Help
Kolmattakymmendä nelläš piä (Kaheškymmenešnelläš piä)
Kolmattakymmendä nelläš piä (Kaheškymmenešnelläš piä)
Karelian Proper
New written Tver
1 I
lähtehyö , Iisus aštu kiriköštä päin .
I lähendiäčettih hänen luo hänen opaššettavat ožuttua hänellä , kuin kirikkö luajittu .
2 Iisus šano heilä : Ettägo työ niä näidä kaikkie ?
Amin’ šanon teilä : Ei jiä tiälä kivi kiven piällä , kumbane ei lienis’ levitetty .
3 Kuin hiän istu Eleona-goralla , lähendiäčettih hänen luo hänen opaššettavat yksiten i paistih : Šano meilä , konža tämä tulou ?
I midä myöt’ voima tunnuštua šiun tulendua i ijän loppuo ?
4 I vaštah heilä šano Iisus : vardeiliečekkua , kuin teidä ken ei muanittais’ .
5 Äijät tullah miun nimeh , paissešša : Mie olen Hristos ; i äijie muanitetah .
6 Kuuluššatta torat i torah näh paginat .
Kaččokkua , elgiä pölläštäliečekkiä ; pidäy kaikella tällä olla .I ei šilloin loppu .
7 Noužou rahvaš rahvahan piällä , i mua muan piällä , i lienöy nälgä i šurma , i muanšäräjämine paikkoin ;
8 Kaikki nämä ollah algu vaivoin .
9 Šilloin annetah teidä muokkih , i tiät tapetah ; i kaikella rahvahalla tiellä lienettä miun nimen täh .
10 I šilloin äijät muanittuačetah ; i toine toizen andau , i toine toista rubieu vihuamah .
11 I äijät valehušprorokat tullah , i äijie muanitetah ;
12 I äijän pahan azien täh , äijien šovindo kadou .
13 Ken piäh šua tirpau , že šäilyy .
14 I šanuočou tämä taivašjovangeli kaikella muailmalla , tiedävökši kaikella rahvahalla ; i šilloin liey ilman loppu .
15 Konža nägenettä hyllyn paganukšen , šanotun prorokašta Daniilašta , šeizomašša sv’atoila paikalla , lugija maltakkah ,
16 Šilloin Iudejašša olijat ana puatah gorilla ;
17 I ken piädynöy katokšella , elgäh lähtekkäh ottamah mi on hänen koissa ;
18 I ken pellošša , elgäh myöštiäčekkäh järelläh ottamah omieh vuatteida .
19 Paha kohtuzilla , i lapšien imittäjillä niinä päivinä .
20 Kumarrelgua , ana tiän pago ei lienis’ talvella , eigo šuovattana ,
21 Lienöy šilloin šuuri vaiva , mityttä eulun muailman allušta šua täh šua , i ei liene .
22 I kuin ei loppiečettais’ ne päivät , yksi hengi ei šäilyis’ ; a vallittulojen täh loppiečetah ne päivät .
23 Šilloin kuin ken teilä šanou : Ka tiälä Hristos , ali tuala ; elgiä uškokkua .
24 Tullah valehušhristat i valehušprorokat , i luajitah šuuret kummat i viät , äššen muanitettais’ , kuin vois’ , i vallittuloja .
25 Ka iellä šanoin teilä .
26 Kuin šanotah teilä : Ka šalošša on , elgiä mängiä ; ka on huonehukšiss a , elgiä uškokkua .
27 Min tervähyöh tulenräisky mänöy päiväzen noužurannašta laškurandah , niin liey inehmizen Poijan tulenda .
28 Missä kuin liey hävityš , šinne liidiäčetäh hyy biet .
29 Terväh niijen päivien vaivan jälgeh , päiväne pimenöy , i kuudomašta ei liene valgieda , i tähet langetah taivahašta , i taivašviät liikkahetah .
30 I šilloin ožuttuačou taivahašša inehmizen Poijan tulenda ; i šilloin ruvetah itkömäh kaikin muailman eläjät i nähäh inehmizen Poigua tulomašša taivašpilvilöilä äijän viän kera i kaunehuon .
31 I työndäy omat Angelit šuuren iänen kera šarvešta , i kerätäh hänen vallitut nelläštä tuulešta , taivahan piäštä piäh šua .
32 Smokouniččapuušta opaštukkua arvual’l’a : konža jo okšat häneššä ollah nuoret , i lehet laškou , tiedäkkiä , läššä on leikkavo ;
33 Niin i työ , konža nämä kaikki niättä , tiedäkkiä , läššä on , oviloin luona .
34 Amin’ šanon teilä : Ei hävie tämä rodu , kuni kaikki nämä lietäh .
35 Taivaš i muailma häviey , a miun paginat ei hävitä .
36 A šidä päiviä i kodvua niken ei tiijä , eigo taivahallizet Angelit , vain yksin miun Tuatto .
37 Kuin oli Nojan päivinä , niin liey i inehmizen Poijan tulenda .
38 Kuin oli ennen upotuštua : šyödih i juodih , naidih i miehellä mändih ših päiväh šua , kuin Noi mäni veneheže šuureh .
39 I ei tiijuššettu , kuni vezi ei tullun , i kaikkie ei ottan , niin liey i inehmizen Poijan tulenda .
40 Šilloin kahen lietäh pellošša : yhen otetah , a toizen jätetäh .
41 Kakši naizinehmistä lietäh jauhomašša käzikiveh : yhen otetah , a toizen jätetäh .
42 Nin olgua varuzin , että työ tiijä , kulla kodvalla tiän Herra tulou .
43 A tämä tiedäkkiä , kuin tiedäis’ kojin izändä , kuh aigah varraštaja tulou , jalgazešša olis’ i ei andais’ omua huonehta kaivua .
44 Žentäh i työ olgua valmehet , kuna kodvana että toivo , inehmizen Poiga tulou .
45 Ken on toži i mielövä inehmine , kumbazen hänen Herra panou oman kojin piällä vanhemmakši andua kodilazilla aigah šyömistä ?
46 Ožakaš že inehmine , kummas’t’a , tulduo , herra piävyttäy niin luadimašša .
47 Amin’ šanon teilä : Kaiken oman elon piällä panou hänen .
48 A kuin omalla šiämellä pidäy paha inehmine : Viikkoin miun herra ei tule .
49 I rubieu lyömäh omie kodilazie , a šyömäh i juomah juomarilojen kera ,
50 Tulou žen inehmizen herra päivänä , kuna ei toivon , i kodvana , kuna ei tiedän ,
51 I kaha hänen halguau , i palan häneštä pahojen kera panou : šielä liey itku i kridžauttamine hambahilla .
Kolmattakymmendä nelläš piä (Kaheškymmenešnelläš piä)
Karelian Proper
New written Tver
8
12
16
17
18
21
33
50
51