Texts
Return to list | edit | delete | Create a new | history | Statistics | ? Help
Kolmattakymmendä kahekšaš piä (Kaheškymmeneškahekšaš piä)
Kolmattakymmendä kahekšaš piä (Kaheškymmeneškahekšaš piä)
Karelian Proper
New written Tver
1 Šuovatan
illan jälgeh , kuin rubei valguomah enžimänä päivänä Šuovatoista , tuli Magdalina Muarie da toine Muarie kalmua kaččomah .
2 I ka lieni šuuri muan šäräjämine : Jumalan Angeli tuli taivahašta , i tulduo , lykkäi kiven kalman šuušta i istu hänen piällä .
3 Hänen nägö oli kuin tulen räisky , i vuattie hänen kuin lumi .
4 Pölläštyhyö händä , šärey vyttih vardeiččijat i oldih kuin kuoliet .
5 I Angeli šano naizilla : Elgiä työ varakkua , tiijän mie , Iisussua riputettuo ečittä .
6 Eule tiälä , nouži , kuin šano ; tulgua kaččokkua šijua , missä veny Gospod’ .
7 I terväh mängiä , šanokkua hänen opaššettavilla , jotto nouži kuoleista i ka ennättäy teidä Galilejašša : šielä händä niättä ; ka mie šanoin teilä .
8 I rutoldi lähtehyö hyö kalman luoda , varaten i äijäldi ihaštunuona kiirehettih šanomah hänen opaššettavilla .
9 I kuin aššuttih šanomah hänen opaššettavilla , i ka Iisus vaštah tuli heilä paissešša : Terveh .
I hyö , lähendiäčehyö , kabuttih hänen jallat i kumarduačettih hänellä .
10 Šilloin šano heilä Iisus : Elgiä varakkua ; mängiä , šanokkua miun velekšillä , ana männäh Galilejah , i šielä milma nähäh .
11 Kuin hyö aššuttih , ka muuvennet vardeiččijista , tulduo linnah , šanottih arhereiloila kaikki , mi oli .
12 I hyö , keräydyhyö vanhembien kera , keškenäh pandih andua salduatoila vägiäijän hobiezie ,
13 I paistih : Šanokkua , jotto hänen opaššettavat , tulduo yöllä miän magavoaigana , hänen viedih .
14 I kuin kuuluštanou tämän vanhin , myö hänen löyvämmä i tiät huoletta luajimma .
15 A hyö , ottahuo hobiezet , luajittih niin , kuin heilä neuvottih .
I kuuluvilla lieni tämä pagina Iudejoisa täh päiväh šua .
16 A yksitoistakymmendä opaššettavat aššuttih Galilejah , gorah , kunne käški heilä Iisus .
17 I nähtyö händä , kumarduačettih hänellä ; a muuvennet ei uššottu .
18 I lähendiäčehyö , Iisus šano heilä : Annettu on miula kaikki valda taivahašša i mualla .
19 Nin mängiä , opaštakkua kaikki rahvaš , rissittiässä heidä Tuaton i Poijan i Pyhähengen nimeh ,
20 I opaštakkua heidä luadie kaikkie , min mie teilä käššin ; i ka mie tiän kera olen kaikkina päivinä ijän loppuh šua .
Amin’ .
Kolmattakymmendä kahekšaš piä (Kaheškymmeneškahekšaš piä)
Karelian Proper
New written Tver
13
20