VepKar :: Texts

Texts

Return to list | edit | delete | Create a new | history | Statistics | ? Help

Введенский Григорий Ефимович, Золотинский Матвей Андреевич. MATVEISTA SVʼATOI JOVANGELI. Kolmattakymmendä kahekšaš piä (Kaheškymmeneškahekšaš piä)

corpus: Biblical texts, Monuments of writing

Source:
Герранъ мія̈нъ Шюндю-руо̆хтынанъ Святой Іо̂ванг̧ели Матвѣйста, Карьяланъ кїӗлѣлля. Пійтери, 1820, p. 95–96
Тверские переводные памятники карельской письменности начала XIX века. Петрозаводск: КарНЦ РАН, 2020. С. 131–132, 182–183.

МАТВѢЙСТА СВЯТОЙ ІО̂ВАНГ̧ЕЛИ. Колматтакюммендя кагекшашъ пїя̈

Колматтакюммендя кагекшашъ пїя̈.

1 Шуо̆ватанъ илланъ-яльг̧ѣхъ, куйнъ рубѣй валгуо̆махъ энжимяна пяйвяна Шуо̆ватойста, тули Маг̧далина Муӑрїӗ, да тойне Муӑрiӗ калмуӑ каччомахъ.
2 И ка лiӗни шуўри муӑнъ шяряямине: Юмаланъ Анг̧ели тули тайвагашта, и тулдуо̆ люккяй кивенъ калманъ шуўшта, и исту гяненъ-пїя̈лля.
3 Гяненъ няг̧ӧ оли куйнъ туле́нъ ряйскю, и вуӑттыӗ гяненъ куйнъ луми.
4 Пӧлляштюгюӧ гяндя шяреввюттихъ варде́йчїя̈тъ, и олдыхъ куйнъ куо̆ліӗтъ.
5 И Анг̧ели шано найзилла, эльг̧їя̈ тюӧ вараккуӑ: тійянъ мїӗ, Іисуссуӑ рыпуте́ттуо̆ эчиття.
6 Эвле́ тїя̈ля, новжи, куйнъ шано: тулг̧уӑ каччоккуӑ шіюӑ, мисся вѣню Господь.
7 И тѣрвяхъ мянг̧їя̈ шаноккуӑ гяненъ опашшеттавилла, ю̂тто новжи куо̆лѣйста: и ка энняттявъ тѣйдя Г̧алилеяшша: шiӗля гяндя нїя̈ття. ка мїӗ шанойнъ тѣйля.
8 И рутолды ляхтѣгюӧ гюӧ калманъ-луо̆да варате́нъ и я̈йяльди игаштунуо̆на, кїйрегѣттихъ шаномахъ гяненъ, опашшеттавилла.
9 И куйнъ ашшуттыхъ шаномахъ гяненъ опашшеттавилла, И ка Іисусъ ваштахъ тули гѣйля пайсе́шша, тервѣгъ. и гюӧ лягендїя̈чегюю̈ кабуттыхъ гяненъ яллатъ, и кумардуӑчеттыхъ гянелля.
10 Шиллойнъ шано гѣйля Іисусъ, эльг̧ія̈ вараккуӑ: мянг̧їя̈ шаноккуӑ мивнъ вѣллѣкшилля, ана мянняхъ Г̧алилеяхъ, и шїӗля милма нягяхъ.
11 Куйнъ гюӧ ашшуттыхъ, ка мувве́нне́тъ варде́йчіиста тулдуо̆ линнахъ, шаноттыхъ архерейлойла кайки, ми оли.
12 И гюӧ керявдюгюӧ вангембіӗнъкера, кѣшкѣняхъ пандыхъ андуӑ салдуӑтойла вяг̧ия̈йянъ гобіӗзіӗ,
13 И пайстыхъ, шаноккуӑ, ю̂тто гяненъ опашшеттаватъ тулдуо̆ ю̈ӧлля мія̈нъ маг̧авоайг̧ана гяненъ вїӗдихъ.
14 И куйнъ куўлуштановъ тямянъ вангинъ, мюӧ гяненъ лӧввяммя, и тїя̈тъ гуо̆ле́тта луӑимма.
15 А гюӧ оттагуо̆ гобіӗзе́тъ, луӑиттыхъ нїйнъ, куйнъ гѣйля неввоттыхъ. и куўлувилла лїӗни тямя паг̧ина Iудею̂йса тяхъ пяйвяхъ-шуӑ.
16 А юкситойстакюммендя опашшеттаватъ ашшуттыхъ Г̧алилеяхъ г̧орахъ, кунне́ кяшки гѣйля Іисусъ.
17 И няхтюӧ гяндя, кумардуӑчеттыхъ гянелля: а мувве́нне́тъ эй ушшотту.
18 И лягендїя̈чегюӧ Iисусъ, шано гѣйля, анне́тту онъ мивла кайки валда тайвагашша и муӑлла.
19 Нинъ мянг̧їя̈ опаштаккуӑ кайки рагвашъ, рисситтїя̈сся гѣйдя Туӑтонъ, и Пойянъ и Пюгя-генг̧енъ нимехъ,
20 И опаштаккуӑ гѣйдя луӑдїӗ кайкїӗ, минъ мїӗ тѣйля кяшшинъ: и ка мїӗ тїя̈нъ-кера оле́нъ кайкина пяйвина іянъ лоппухъ-шуӑ: аминь.
Х

Введенский Григорий Ефимович, Золотинский Матвей Андреевич

MATVEISTA SVʼATOI JOVANGELI. Kolmattakymmendä kahekšaš piä (Kaheškymmeneškahekšaš piä)

Karelian Proper
Old written Tver
Kolmattakymmendä kahekšaš piä.

1 Šuovatan illan jälgeh, kuin rubei valguomah enžimänä päivänä Šuovatoista, tuli Magdalina Muarie da toine Muarie kalmua kaččomah.
2 I ka lieni šuuri muan šäräjämine: Jumalan Angeli tuli taivahašta, i tulduo, lykkäi kiven kalman šuušta i istu hänen piällä.
3 Hänen nägö oli kuin tulen räisky, i vuattie hänen kuin lumi.
4 Pölläštyhyö händä, šäreyvyttih vardeiččijat i oldih kuin kuoliet.
5 I Angeli šano naizilla: Elgiä työ varakkua, tiijän mie, Iisussua riputettuo ečittä.
6 Eule tiälä, nouži, kuin šano; tulgua kaččokkua šijua, missä veny Gospod’.
7 I terväh mängiä, šanokkua hänen opaššettavilla, jotto nouži kuoleista i ka ennättäy teidä Galilejašša: šielä händä niättä; ka mie šanoin teilä.
8 I rutoldi lähtehyö hyö kalman luoda, varaten i äijäldi ihaštunuona kiirehettih šanomah hänen opaššettavilla.
9 I kuin aššuttih šanomah hänen opaššettavilla, i ka Iisus vaštah tuli heilä paissešša: Terveh. I hyö, lähendiäčehyö, kabuttih hänen jallat i kumarduačettih hänellä.
10 Šilloin šano heilä Iisus: Elgiä varakkua; mängiä, šanokkua miun velekšillä, ana männäh Galilejah, i šielä milma nähäh.
11 Kuin hyö aššuttih, ka muuvennet vardeiččijista, tulduo linnah, šanottih arhereiloila kaikki, mi oli.
12 I hyö, keräydyhyö vanhembien kera, keškenäh pandih andua salduatoila vägiäijän hobiezie,
13 I paistih: Šanokkua, jotto hänen opaššettavat, tulduo yöllä miän magavoaigana, hänen viedih.
14 I kuin kuuluštanou tämän vanhin, myö hänen löyvämmä i tiät huoletta luajimma.
15 A hyö, ottahuo hobiezet, luajittih niin, kuin heilä neuvottih. I kuuluvilla lieni tämä pagina Iudejoisa täh päiväh šua.
16 A yksitoistakymmendä opaššettavat aššuttih Galilejah, gorah, kunne käški heilä Iisus.
17 I nähtyö händä, kumarduačettih hänellä; a muuvennet ei uššottu.
18 I lähendiäčehyö, Iisus šano heilä: Annettu on miula kaikki valda taivahašša i mualla.
19 Nin mängiä, opaštakkua kaikki rahvaš, rissittiässä heidä Tuaton i Poijan i Pyhähengen nimeh,
20 I opaštakkua heidä luadie kaikkie, min mie teilä käššin; i ka mie tiän kera olen kaikkina päivinä ijän loppuh šua. Amin’.

Евангелие от Матфея. Глава 28

Russian
Глава 28.

1 По прошествии же субботы, на рассвете первого дня недели, пришла Мария Магдалина и другая Мария посмотреть гроб.
2 И вот, сделалось великое землетрясение, ибо Ангел Господень, сошедший с небес, приступив, отвалил камень от двери гроба и сидел на нем;
3 вид его был, как молния, и одежда его бела, как снег;
4 устрашившись его, стерегущие пришли в трепет и стали, как мертвые;
5 Ангел же, обратив речь к женщинам, сказал: не бойтесь, ибо знаю, что вы ищете Иисуса распятого;
6 Его нет здесь - Он воскрес, как сказал. Подойдите, посмотрите место, где лежал Господь,
7 и пойдите скорее, скажите ученикам Его, что Он воскрес из мертвых и предваряет вас в Галилее; там Его увидите. Вот, я сказал вам.
8 И, выйдя поспешно из гроба, они со страхом и радостью великою побежали возвестить ученикам Его.
9 Когда же шли они возвестить ученикам Его, и се Иисус встретил их и сказал: радуйтесь! И они, приступив, ухватились за ноги Его и поклонились Ему.
10 Тогда говорит им Иисус: не бойтесь; пойдите, возвестите братьям Моим, чтобы шли в Галилею, и там они увидят Меня.
11 Когда же они шли, то некоторые из стражи, войдя в город, объявили первосвященникам о всем бывшем.
12 И сии, собравшись со старейшинами и сделав совещание, довольно денег дали воинам,
13 и сказали: скажите, что ученики Его, придя ночью, украли Его, когда мы спали;
14 и, если слух об этом дойдет до правителя, мы убедим его, и вас от неприятности избавим.
15 Они, взяв деньги, поступили, как научены были; и пронеслось слово сие между иудеями до сего дня.
16 Одиннадцать же учеников пошли в Галилею, на гору, куда повелел им Иисус,
17 и, увидев Его, поклонились Ему, а иные усомнились.
18 И приблизившись Иисус сказал им: дана Мне всякая власть на небе и на земле.
19 Итак идите, научите все народы, крестя их во имя Отца и Сына и Святаго Духа,
20 уча их соблюдать все, что Я повелел вам; и се, Я с вами во все дни до скончания века. Аминь.
Х
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages