Error:
Permission denied
Texts
Return to list | edit | delete | Create a new | history | Statistics | ? Help
Введенский Григорий Ефимович, Золотинский Матвей Андреевич. MARKEŠTА SVʼATOI JOVANGELI. Nelläštoistakymmmeneš piä (Nelläštoista piä)
Маркешта Святой Іôванӷели. Нѣлляшъ тойста кюммѣнешъ пiя̈
Введенский Григорий Ефимович, Золотинский Матвей Андреевич
MARKEŠTА SVʼATOI JOVANGELI. Nelläštoistakymmmeneš piä (Nelläštoista piä)
Karelian Proper
Old written Tver
1 I
oli Puaska , i kahen päivän jälgeh rieška šyömine . I ečittih arhereit i kirja miehet , kuin Händä , muanivolla ottahuo , tappua ;
2 I paistih hyö : Ei kallis’ päivänä , kuin ei lienis’ hoppuo rahvahašša .
3 I konža Hiän oli Vifanijašša kibeydynyön Simonan koissa , i konža Hiän stolan taguana istu , tuli naine alavastran kera ylen kallista nardan voidieda , i murendahuo alavastran , kuadeli Hänellä piän piällä .
4 I muuvennet buristih keškenäh i paistih : Miksi tämän verda tuhoh mäni voidieda ?
5 Vois’ tämä voidie myyvä enämmäštä kolmie šadua hobies’t’a i andua vaivazilla . I kiellettih naista .
6 A Iisus šano : Elgiä koškekkua händä , midä työ händä hädäytättä ? Hyvän azien luadi Miun täh .
7 Vaivazet aino tiän kera ollah , i konža tahotta , voitta heilä hyvyön luadie ; a Mie en aino ole .
8 Min hiän voi , luadi : ennätti voidua Miun hibien kätkiettäväkši .
9 Aminʼ šanon teilä : missä kuin šanuočennou tämä Jovangeli kaikešša muailmašša , min luadi hiän , šanottu liey hänen muissettavakši .
10 Iuda Iskariuotašta , yksi kaheštatoistakymmeneštä , mäni arherejoin luo , kuin andua heilä Händä .
11 A hyö , kuuluštahuo , ihaššuttih i toivotettih hänellä andua hobiezet . I ečči hiän välliä aigua , kuin andua .
12 I enžimässä rieška päivänä , kоnža puaskua šyödih , šanottih Hänellä Hänen opaššettavat : Missä tahot , mänemmä varuššamma šyyvä Šiula puaskua ?
13 I työndi kahta omista opaššettavista i šano heilä : Mängiä linnah ; i vaštah tulou teilä inehmine vezi rengin kera ; mängiä hänellä jällesti .
14 I kunne hiän mänöy , šanokkua kojin izännällä : Opaštaja pagizou : Missä on perti , kumbazešša Mie omien opaššettavien kera šyön puaskan ?
15 I hiän ožuttau teilä pertin šuuren , rabieššetun , valmehen : šielä valmistakkua meilä .
16 I lähteih Hänen opaššettavat , i tuldih linnah , i löyvettih , kuin šano heilä ; i valmissettih puaskan .
17 I illalla tuli kahentoistakymmenen kera .
18 I konža hyö istuočettih i šyödih , šano Iisus : Amin’ šanon teilä , yksi teistä andau Miun , kumbane šyöy Miun kera .
19 A hyö ruvettih tuužimah i pagizomah toine toizella : Jotto go mie ? I toine : Jotto go mie ?
20 A Hiän šano vaštah : Yksi kaheštatoistakymmeneštä , kumbane paino Miun kerа šuolavakkah .
21 Niin Inehmizen Poiga mänöy , kuin on kirjutettu Häneh näh ; paha šillä inehmizellä , keššä Inehmizen Poiga anduačou : parembi ois’ hänellä , kuin ei šyndyis’ že inehmine .
22 I konža hyö šyödih , otti Iisus leivän , i ristihyö , katko i ando heilä , i šano : Ottakkua , šyogiä ; tämä on Miun hibie .
23 I ottahuo mal’l’an , luadihuo kiitokšen , ando heilä : i juodih häneštä kaikin .
24 I šano heilä : Tämä on Miun veri Uuvista Toivotandua , kumbane äijistä valuačou .
25 Aminʼ šanon teilä : Enämbiä ei vediäče juuva vinogruadan eineheštä ših päiväh šua , konža Mie juon händä uudena Taivaš kuningahuošša .
26 I laulahuo , lähtieh Eleona -goralla .
27 I šano heilä Iisus : Kaikin työ tänä yönä muanittuačetta Miuh näh ; on kirjutettu : ailaššan paimenda , i kaikkiena puatah lambahat .
28 A šiidä , konža Mie virguon , vaštuan tiät Galilejašša .
29 A Pedri šano Hänellä : Ana kaikin muanittuačetah , a en mie .
30 I šano hänellä Iisus : Aminʼ šanon šiula , nyt šie tänä yönä , kuni vielä toista kerdua kukko ei laula , kolmičči periäčet Miušta .
31 A hiän enämmän šidä pagizi : Kuin miula Šiun kera i kuolla , en periäče Šiušta . Niin i kaikin paistih .
32 I tuldih kyläh , kumbazella nimi Gefsimuanija ; i šano omilla opaššettavilla : Istukkua tiälä , kuni Mie mänen kumardelen .
33 I otti Ičen kera Pedrin , i Juakovan , i Iivanan ; i rubei pölläštäliečömäh i igävöimäh .
34 I šano heilä : Igäväššä on Miun hengi šurmah šua ; olgua tiälä i elgiä uinokkua .
35 I mändyö vähäzen , langei mualla i kumardeli , ana , kuin voinou , šiiričči Händä mänöy tämä aiga ;
36 I pagizi : Avva Tuatto , kaikki Šiula voit ; kanna šiiričči Miušta tämä mal’l’a ; i ei niin , kuin Mie tahon , a kuin Šie .
37 I tuli , piävytti hiät maguamašša , i šano Pedrillä : Simona , maguat go ? Et voinun yhtä kodvua olla Miun kera unetta ?
38 Olgua jalgazešša i kumarrelgua , kuin ei männä pahah : mieli hot’ urhakka , da hibie voimatoin .
39 I tuaš mäni , kumardeli , žen že paginan šano .
40 I järelläh tulduo , tuaš löydi hiät maguamašša , oldih hiän šilmät undunuot , i ei tietty , midä vaštah Hänellä šanuo .
41 I kolmannen kerran tuli i šano heilä : Nin jälličekši muakkua i lebiäčekkiä ! Kergiih piä , tuli aiga : ka anduačou Inehmizen Poiga riähkähizien käzih .
42 Nouškua , lähemmä : ka Miun andaja läheni .
43 I kuin vielä Hiän tädä pagizi , tuli Iuda , yksi kaheštatoistakymmeneštä , i hänen kera äijä rahvašta keihien i kangiloin kera arherejioista , kirjamiehistä da vanhemmista .
44 Hänen andaja ieldä päin šano heilä : Kellä kuin šuuda annan , Že on , ottakkua Händä i šuattakkua Händä ruokoldi .
45 I tulduo , terväzeh lähendiäčih Hänen luo i šano Hänellä : Ravvi ! Ravvi ! I ando šuuda Hänellä .
46 A hyö noššettih kiät Hänen piällä i otettih Hänen .
47 Yksi šeizojista , ottahuo veičen , iski arherein inehmistä i leikkai häneldä korvan .
48 I vaštah šano heilä Iisus : Miehen tappajan go piällä työ keihien i kangiloin kera tulija ottamah Milma ?
49 Jogo päiviä tiän luona olin opaštuas’s’a kiriköššä , i että ottan Milma . A ana liey kirjutušta myöt’ .
50 I jättähyö Hänen , kaikin puattih .
51 I yksi ken -liey briha aštu Hänellä jällesti , šuorinnut alašti vuattieh ; i otettih žen brihan .
52 A hiän , jättähyö vuattien , pageni heistä .
53 I šuatettih Šyndyruohtinan arherein luo : i kerättih hänen luo kaikki arhereit , i kirja miehet , i vanhemmat .
54 I Pedri edähäkkäli aštu Hänellä jällesti šiämeh šua arherein tanhuoh ; i istu arherein inehmizien kera , i lämbielih tulella .
55 Arhereit i kaikki kanža ečittih Šyndyruohtinan piälä paginua , kuin tappua Händä ; i ei löyvetty .
56 Äijät tyhjiä paistih Hänen piällä , i paginat oldih ei yhen ualazet .
57 I muuvennet tuldih i tyhjiä šanottih Hänen piällä , paissešša :
58 Myö kuulima Händä pagizomašša : Mie levitän tämän käzillä luajitun kirikön , i kolmešša päiväššä luajin toizen , ei käzillä luajitun .
59 I niin hiän paginat euldu yhen ualazet .
60 I nouštuo keššellä , arherei kyžy Šyndyruohtinalda : Et go vaštah nimidä pagize ? Midä nämä Šiun piällä paissah ?
61 A Hiän iänettä oli i nimidä vaštah ei paissun . Tuaš arherei kyžy i šano Hänellä : Šie go olet Hristos , Jumalan Poiga ?
62 Iisus šano : Mie olen ; i niättä Inehmizen Poigua , oigiella kiällä vägie istumašša , i tulomašša taivaš pilvilöin kera .
63 Arherei , revittähyö omat vuattiet , šano : Midä vielä ečimmä nägijie ?
64 Kuulija koronnan ; kuin työ šanotta ? A hyö kaikin viäritettih Hänen šurmalla .
65 I ruvettih muuvennet šylgömäh Hänen piällä , kattamah Häneldä nägyö , muokkuamah Händä , i pagizomah Hänellä : Arvua . I toizien inehmizet nägöh Händä perrettih .
66 I kuin Pedri oli alahana tanhuolla , tuli yksi arherein naizinehmine
67 I nähtyö Pedrie lämbiečömäššä , kačahtahuo hänen piällä , šano : I šie olit Nazorein Iisusan kera .
68 A hiän periäčih , paissešša : En tiijä Handä , en toimita , midä šie pagizet . I läksi šieldä valgiella tanhuolla ; i kukko laulo .
69 I naizinehmine , tuaš nähtyö händä , rubei pagizomah šiinä olijilla : I tämä niistä on .
70 A hiän tuaš periäčih . I kodvan jälgeh šiinä šeizojat tuaš šanottih Pedrillä : Tožieh šie niistä olet : šie Galilejanina olet , i šiun pagina muone on .
71 A hiän rubei vannuočomah i Jumalah mänömäh : En tiijä tädä mieštä , kumbazeh näh työ pagizetta .
72 I toizičči kukko laulo . I muissutti Pedri paginan , kumbazen šano hänellä Iisus , jotto : Iellä kuni kukko ei laula toista kerdua , kolmičči Miušta periäčet . I rubei itkömäh .
MARKEŠTА SVʼATOI JOVANGELI. Nelläštoistakymmmeneš piä (Nelläštoista piä)
Karelian Proper
Old written Tver