Texts
Return to review | Return to list
Iisus ozuttahes opastujile
history
July 26, 2022 in 16:03 Нина Шибанова
- created the text
- created the text translation
- created the text: [9 Konzu Iisus nouzi kuollielois aijoi huondeksel suovattupäivän jälgeh, Häi ozuttihes enzimäzekse Magdalan Marijale, kudamas oli ajanuh seiččie karuu. 10 Marija lähti siepäi i vedi viestin niilöile, ket oldih Iisusanke da ket nygöi itkiettih pahasmieles. 11 No konzu hyö kuultih, Iisus on hengis i Marija nägi Händy, hyö ei uskottu. 12 Tämän jälgeh Iisus jiäviihes toizen nägözenny kahtele heis, konzu hyö oldih matkal linnaspäi. 13 Hyö kiännyttih järilleh sanomah toizile, no heidygi ei uskottu. 14 Jälgimäi Iisus jiäviihes yhteletostu opastujale, konzu hyö oldih syömäs.^ Häi moitii heidy uskomattomuon täh da sydämen kovevuon täh, ku hyö ei uskottu niilöi, kudamat nähtih Händy kuollielois nossuonnu. 15 Häi sanoi heile: «Mengiä kaikele muailmale da kuuloitakkua jevangeliedu kaikile täl mual eläjile. 16 Ken uskou da ottau ristindän, se piäzöy.^ Ken ei usko, sidä suuditah häviendäh. 17 Ket uskotah, luajitah nengomii tunnusruadoloi: Minun nimes hyö ajetah iäre karuloi, hyö paistah uuzil kielil, 18 tartutah madoloih käzin, i hos hyö juodaneh tappajua juaduu, no se ei luaji vahinguo heile. Hyö pannah käit voimattomien piäle, i net tervehtytäh». 19 Konzu Ižändy Iisus sanoi heile kai, Händy otettih yläh taivahah, i Häi istuihes Jumalan oigiele puolele. 20 Opastujat lähtiettih matkah i kuuloitettih jevangeliedu kaikkiel.^ Ižändy ruadoi heijänke da lujendi oman sanan tunnusruadoloil.]