Texts

Peittopakina mielettömäštä pohatašta

August 26, 2022 in 10:38 Нина Шибанова

created the text
created the text translation
created the text: ¹³Eryäš mieš rahvašjoukošta šano Iisussalla: «Opaštaja, šano miun vellellä, jotta hiän jakais miun kera tuaton jättämän perinnön». ¹⁴Iisussa šano miehellä: «Kuulehan šie, onko Miut pantu teitä suutimah tahi tiän perintöriitoja šelittämäh»? ¹⁵Šiitä Hiän šano kaikilla: «Kaččokkua, jotta varotta kaikennäköistä ahnehutta, šentäh kun ihmisen elämä ei riipu šiitä, kuin äijän hänellä on hyvyttä». ¹⁶Iisussa šano heilä peittopakinan: «Oli pohatta mieš, kumpasen pellot kašvettih hyvin. ¹⁷Mieš mietti ičekšeh: "Mitähän mie ruatasin? Ei ole minne korjata vuuvven tulo". ¹⁸Ta Hiän piätti: "Otan ta puran entiset aitat ta luajin šuuremmat.^ Niih vejän kaikki vil'l'at pellolta ta panen muut hyvyset. ¹⁹Šiitä šanon ičelläni: Nyt šiula on äijän eluo monekši vuuvvekši.^ Voit levähellä, šyyvvä, juuvva ta iloilla". ²⁰Vain Jumala šano hänellä: "Hupakko!^ Tänä yönä šiun henkie tullah käymäh. Kellä jiäy kaikki, mitä šie olet kerännyn"? ²¹Näin käyt jokahisella, ken keryäy hyvysie ičelläh, a kellä ei ole taivahallista uarrehta Jumalalta».